AQSh Memlekettik departamenti hýsitterdiń birneshe shabýylynan keiin Saýd Arabiiasyndaǵy keibir memlekettik qyzmetkerler men olardyń otbasy múshelerine elden ketýge buiryq berdi. Bul týraly AQSh Memlekettik departamentiniń ókili Tommi Pigott málimdedi, dep habarlaidy dalanews.kz.
Onyń aitýynsha, AQSh Memlekettik departamenti beibit ýaqytta qyzmet atqaratyn memlekettik qyzmetkerler men olardyń otbasy músheleriniń Saýd Arabiiasynan ketýine qatysty buiryq shyǵarǵan.
«Bul buiryq tek Saýd Arabiiasyna qatysty», – dep jazdy Pigott beisenbi kúni X áleýmettik jelisinde.
Sondai-aq ol Parsy shyǵanaǵyndaǵy basqa elderde ornalasqan AQSh elshilikteriniń qyzmetkerlerine de elden ketý týraly tapsyrma berilgeni jónindegi aqparatty joqqa shyǵardy. Onyń sózinshe, keibir buqaralyq aqparat quraldarynda taraǵan málimetter shyndyqqa sáikes kelmeidi.
Buǵan deiin birqatar BAQ AQSh elshilikteriniń qyzmetkerleri men olardyń otbasy múshelerine Saýd Arabiiasynan, Birikken Arab Ámirlikterinen, Iordaniiadan, Qatardan jáne Bahreinnen ketý tapsyrylǵanyn habarlaǵan edi. Pigott hýsitterdiń Saýd Arabiiasyna qarsy áskeri áreketterge qatysýy kúsheigenin atap ótti. Onyń aitýynsha, bul shabýyldar beibit turǵyndardyń zardap shegýine jáne kólik qatynasynyń eleýli buzylýyna ákelip otyr.
«Departament qyzmetkerleri men olardyń otbasy músheleriniń qaýipsizdigi – bizdiń basty basymdyǵymyz. Olardy qorǵaý jáne qoldaý úshin barlyq qajetti sharany qabyldaýdy jalǵastyramyz», – dedi AQSh Memlekettik departamentiniń ókili.
