قازاقستان بانكتەرٸندەگٸ دەپوزيتتەردٸڭ جالپى كٶلەمٸ قىركٷيەككە قاراي 50 ترلن تەڭگەدەن استى. الايدا بٸر ايدىڭ ٸشٸندە دەپوزيتتەر كٶلەمٸ 669,3 ملرد تەڭگەگە ازايعان. جىل باسىنان بەرٸ جالپى ٶسٸم 2,3 ترلن تەڭگە بولدى. بۇل تۋرالى Ranking ساراپشىلارى مەلٸمدەدٸ, دەپ حابارلايدى dalanews.kz.
ساراپشىلاردىڭ مەلٸمەتٸنشە, قازاقستانداعى 23 ەكٸنشٸ دەڭگەيلٸ بانكتٸڭ 14-ٸندە دەپوزيت پورتفەلٸ قىسقارعان. ال قالعان توعىز بانك ٶسٸم كٶرسەتكەن.
بانك سەكتورىنداعى دەپوزيتتەردٸڭ باسىم بٶلٸگٸ جەكە تۇلعالاردىڭ سالىمدارىنان تۇرادى. تامىز ايىنىڭ قورىتىندىسى بويىنشا حالىقتىڭ بانكتەردەگٸ دەپوزيتتەرٸ 30,7 ترلن تەڭگەگە جەتكەن. بٸر ايدا بۇل كٶرسەتكٸش 132,8 ملرد تەڭگەگە ٶسكەن.
قاڭتاردان بەرٸ جەكە تۇلعالاردىڭ دەپوزيتتەرٸ 2,4 ترلن تەڭگەگە نەمەسە 8,6%-عا ارتقان.
وسىلايشا, حالىقتىڭ سالىمدارى قازاقستاننىڭ ەكٸنشٸ دەڭگەيلٸ بانكتەرٸندەگٸ بارلىق دەپوزيتتٸڭ 60%-ىن قۇراعان.
ال زاڭدى تۇلعالاردىڭ دەپوزيتتەرٸ بويىنشا جاعداي ٶزگەشە. ٷش توقساننىڭ قورىتىندىسىندا كومپانييالار مەن ۇيىمداردىڭ بانكتەردەگٸ سالىمدارى 139,7 ملرد تەڭگەگە قىسقارعان. ولاردىڭ جالپى دەپوزيتتەردەگٸ ٷلەسٸ 39,9% بولدى.
