Astana ákimi Jeńis Qasymbek Qazaqstannyń Ústel tennisi federatsiiasynyń prezidenti bolyp sailandy. Ol ákimdik qyzmetimen qatar federatsiia jumysyn da basqarady, dep habarlaidy dalanews.kz.
Federatsiianyń jańa basshysy qandai baǵyttarǵa basymdyq beredi?
Jeńis Qasymbek elde ústel tennisin júieli damytýǵa, sondai-aq sportshylardyń sapaly daiyndalýyna qajetti jaǵdai jasaýǵa basymdyq beretinin málimdedi.
Federatsiianyń baspasóz qyzmetiniń habarlaýynsha, jańa basshyny sailaý týraly sheshim 2027 jyly Astanada ótetin ústel tennisinen álem chempionatyna daiyndyq aiasynda qabyldanǵan.
Aldaǵy álemdik doda federatsiia jumysynyń negizgi baǵyttarynyń biri bolmaq. 2027 jyly elordada ITTF World Table Tennis Championships Finals chempionaty ótip, Astana álemniń úzdik ústel tennisshilerin qabyldaidy.
