Erdoǵan Qazaqstan basshysyn sársenbi kúni Ankarada qabyldaitynyn aitqan, dep habarlaidy dalanews.kz.
«Qudai qalasa, sársenbi kúni Ankarada Qazaqstan Prezidenti Qasym-Jomart Toqaevty qabyldaimyz. Respýblika kúnine arnalǵan 103 jyldyq merekeni túrki áleminen kelgen qurmetti qonaqtarmen birge úlken qýanyshpen atap ótemiz», – dedi Túrkiia basshysy.
Buǵan deiin Toqaev 28 qazanda túske deiin Qazaqstan halqyna jyl saiynǵy Joldaýyn jariialaitynyn málimdegen.
Sonymen qatar 30 qazanda Ankarada Túrki memleketteri uiymynyń 13-sammiti ótedi. Erdoǵannyń aitýynsha, uiymǵa múshe elderdiń basshylary túrki álemindegi yntymaqtastyqty nyǵaitý máselelerin talqylaidy.
«Biz qaitadan birtutas maidan bolyp, túrki álemindegi myzǵymas baýyrlastyǵymyzǵa iritki salǵysy keletinderge qarsy tolyq birlikte áreket etemiz dep senemin», – dedi Erdoǵan.
Aqorda buǵan deiin Qazaqstan Prezidentiniń Túrkiiaǵa sapary aiasynda birqatar joǵary deńgeidegi kezdesýlerge qatysýǵa shaqyrtý alǵanyn habarlaǵan.
