Batys Qazaqstan oblysynda kásiporyndardyń birinen salyq zańnamasyn buzý deregi anyqtaldy. Prokýratýranyń aralasýynan keiin memleket qazynasyna 77 million teńge qaitaryldy, dep habarlaidy dalanews.kz.
Zańbuzýshylyqty Tasqala aýdandyq prokýratýrasy anyqtaǵan. Tekserý barysynda elektrondy shot-faktýralardaǵy málimetter kásiporynnyń salyq eseptiligimen salystyrylǵan.
Nátijesinde jaýapkershiligi shekteýli seriktestikterdiń biri qosylǵan qun salyǵynyń (QQS) somasyn tómendetip kórsetkeni belgili boldy.
Sonymen qatar ýákiletti organ kameraldyq baqylaý kezinde anyqtalǵan zańbuzýshylyqtardy joiý týraly kásiporynǵa tiisti habarlamany ýaqytyly joldamaǵan.
Osyǵan bailanysty prokýratýra qadaǵalaý aktisin engizip, anyqtalǵan kemshilikterdi joiýdy talap etti.
Qabyldanǵan sharalardyń nátijesinde zańbuzýshylyqtar túzetilip, memlekettik biýdjetke 77 million teńge kólemindegi mindetti salyq tólemderi óndirildi.
