Jetisý oblysynda tiisti litsenziiasyz dini bilim bergen qoǵamdyq qordyń qyzmetine qatysty prokýratýra sotqa talap aryz túsirdi. Sot prokýrordyń talabyn tolyq qanaǵattandyrǵanymen, sheshim ázirge zańdy kúshine engen joq, dep habarlaidy dalanews.kz.
Taldyqorǵan qalasynyń prokýratýrasy dini qyzmet salasyndaǵy zańnama talaptarynyń saqtalýyna júrgizilgen monitoring barysynda birqatar zańbuzýshylyqty anyqtaǵan.
Atap aitqanda, qoǵamdyq qorlardyń biri tiisti litsenziiasyz dini bilim berýmen ainalysqan. Sonymen qatar qordyń úi-jailarynda segiz adamnyń turǵylyqty nemese ýaqytsha bolatyn jeri boiynsha tirkeýsiz turǵany belgili bolǵan.
Atalǵan azamattar Ákimshilik quqyq buzýshylyq týraly kodekstiń 492-babynyń 1-bóligi boiynsha ákimshilik jaýaptylyqqa tartyldy.
Zańbuzýshylyqtardyń jolyn kesý maqsatynda prokýratýra qoǵamdyq qordy tiisti litsenziiasynan aiyrý týraly talap aryzdy sotqa joldaǵan. Sot talapty tolyq qanaǵattandyrdy. Qor ókili de qoiylǵan talaptardy moiyndaǵan.
Degenmen sot sheshimi áli zańdy kúshine engen joq.
Jetisý oblysynyń prokýratýrasy dini qyzmet salasyndaǵy zańdylyqtyń saqtalýyn qamtamasyz etý jáne quqyq buzýshylyqtardyń aldyn alý baǵytyndaǵy jumysty jalǵastyryp jatqanyn habarlady.
