Qazaqstanda aiyna 1,1 mln teńgeden astam tabys tabatyn qyzmetkerlerdiń úlesi 5%-ǵa da jetpeidi. Bul týraly Ulttyq statistika biýrosynyń zertteýinde aitylǵan, dep habarlaidy dalanews.kz.
Eldegi ortasha jalaqy 486 myń teńgeni quraidy. Zertteýge engen 3,4 mln qyzmetkerdiń 154 myńy nemese 4,6%-y aiyna 1,1 mln teńgeden astam jalaqy alady. Olardyń 74 myńǵa jýyǵynyń ailyq tabysy 1,5 mln teńgeden asady.
Qazaqstandyqtardyń basym bóligi aiyna 300 myńnan 500 myń teńgege deiin jalaqy alady. Bul sanatqa 1,1 mln qyzmetker kiredi. Sonymen qatar jumysshylardyń 42%-ynyń ailyq tabysy 300 myń teńgeden tómen.
Eń joǵary ortasha jalaqy sheteldik kompaniialarda tirkelgen. Ondaǵy qyzmetkerler aiyna orta eseppen 707 myń teńge alady. Al memlekettik qurylymdardaǵy ortasha jalaqy shamamen 336 myń teńgeni quraidy.
