Qazaqstanda azamattardyń quqyqtaryn júieli túrde buzǵan jeti mikroqarjy uiymy litsenziiasynan aiyryldy. Qarjy naryǵyn retteý jáne damytý agenttiginiń málimetinshe, jekelegen kompaniialardyń qyzmetin taldaý kezinde qarjylyq qyzmetterdi tutynýshylardyń múddesine nuqsan keltirgen zań buzýshylyqtar anyqtalǵan, dep habarlaidy dalanews.kz.
Tekserý qorytyndysy boiynsha "MaxMoney", "Microfinance Systems", "SurfKaz Finance", "MFO№1", "Úmit Finans", "Vivýs" jáne "EL QAZYNA" mikroqarjy uiymdarynyń litsenziialary qaitaryp alyndy.
Endi atalǵan kompaniialarǵa mikrokredit berýge tyiym salynady. Sondai-aq zańda kózdelgen erekshe jaǵdailardy eseptemegende, olar qoldanystaǵy sharttardyń talaptaryn ózgerte almaidy.
Litsenziiasynan aiyrylǵan uiymdar 30 kún ishinde ataýynan «mikroqarjy» sózin, odan týyndaityn sózder men "MQU" qysqartýyn alyp tastaýy kerek. Buǵan qosa, kompaniiany qaita uiymdastyrýǵa nemese onyń qyzmetin tolyq toqtatýǵa mindetti.
Agenttik litsenziianyń qaitarylyp alynýy qaryzdy joimaitynyn eskertti. Sondyqtan bul uiymdardan mikrokredit alǵan azamattar bereshegin shartta kórsetilgen talaptar boiynsha óteýdi jalǵastyrady.
