Prezident Qazaqstanda 2019 jyldan beri ne ózgergenin aitty, dep habarlaidy dalanews.kz.
Bul týraly Memleket basshysy Respýblika kúnine arnalǵan saltanatty jiynda málimdedi.
"2019 jyldan beri ekonomikamyz 30 paiyzǵa jýyq ósti. Jan basyna shaqqanda ishki jalpy ónim kólemi 15 myń dollardan asty. Byltyr 20 millionnan asa sharshy metr turǵyn úi salyndy. Bul - buryn-sońdy bolmaǵan kórsetkish", - dedi Qasym-Jomart Toqaev.
Azamattardyń ortasha ómir súrý uzaqtyǵy 76 jasqa jaqyndady. Dúniejúzilik banktiń málimetine sáikes Qazaqstan bul kórsetkish boiynsha bizdiń aimaqta kósh bastap tur.
"Álemdegi eń yqpaldy elderdiń qataryna qosylyp, 34-orynda turmyz. Elimizdiń jalpy ishki ónim kólemi 350 milliard dollarǵa jetip kele jatyr. Bul Táýelsiz Memleketter Dostastyǵy sheńberindegi ekinshi oryn degen sóz. Shaǵyn jáne orta biznestiń jalpy ishki ónimdegi úlesi aitarlyqtai artty, iaǵni 40 paiyzǵa jetti", - dedi Prezident.
