Qazaqstanda memlekettik turǵyn úi kezeginde turǵan azamattardy túgendeý jumystary bastaldy. «Otbasy bank» júrgizgen tekseris nátijesinde kezekte turǵandardyń bir bóligi baspanaǵa muqtaj azamattarǵa qoiylatyn talaptarǵa sai kelmeitini anyqtalǵan. Olardyń arasynda jyljymaityn múlikte úlesi bar adamdar, tipti 10 nemese odan da kóp páteri bar azamattar da kezdesedi, dep habarlaidy dalanews.kz.
Turǵyn úi kezeginen shyǵarýǵa negiz bolatyn basty sebepterdiń biri – azamattyń jeke baspanasynyń bolýy. Sondai-aq Qazaqstan azamattyǵynan aiyrylyp, basqa elge qonys aýdarǵan adamdar da kezekten shyǵarylýy múmkin.
Bul rette azamattyń tabys deńgeii turǵyn úi kezeginde turý quqyǵyna áser etpeidi. Qazirgi ýaqytta ákimdikterden turǵyn úi alǵan nemese jeńildetilgen ipotekalyq nesie rásimdegen azamattarǵa 30 myńnan astam habarlama jiberilgen.
Eger azamattyń jeke kabinetinde turǵyn úi kezegindegi mártebesi «Toqtatyldy» dep ózgerse, «Otbasy bankke» júginip, onyń sebebin anyqtaý qajet.
