Baiqońyrda politsiia qyzmetkerine qarsylyq kórsetip, dene jaraqatyn salǵan 17 jastaǵy jasóspirimge qatysty qylmystyq is qozǵaldy, dep habarlaidy dalanews.kz.
Prokýratýra málimetinshe, oqiǵa 1 qazanǵa qaraǵan túni qaladaǵy saiabaqtardyń birinde bolǵan. Tártip saqshylary mas kúiinde júrgen jasóspirimdi toqtatqan. Alaida ol politseilerdiń zańdy talabyna baǵynýdyń ornyna olardy balaǵattap, ustalǵan kezde qarsylyq kórsetken.
Janjal kezinde jasóspirim politsiia qyzmetkerleriniń birin sanynan tistep, jaraqat salǵan.
Qazir ol bilik ókilderin kópshilik aldynda qorlady jáne politsiia qyzmetkerine kúsh qoldandy degen kúdikke ilindi. Isti "Baiqońyr" keshenindegi Reseidiń Tergeý komiteti tergep jatyr.
