Reseidiń tutynýshylar quqyǵyn qorǵaý jáne adam ál-aýqatyn baqylaý jónindegi federaldyq qyzmeti (Rospotrebnadzor) Qazaqstanda reseilik týrister arasynda jappai taraldy degen aqparat shyqqan «Stratýs» koronavirýs nusqasyna qatysty túsinikteme berdi, dep habarlaidy dalanews.kz.
Vedomstvonyń málimetinshe, XFG dep atalatyn jáne beiresmi túrde «Stratýs» atalǵan SARS-CoV-2 nusqasy printsipti túrde jańa shtamm emes. Mamandar oǵan 2025 jyldyń qańtarynan beri baqylaý júrgizip keledi.
Rospotrebnadzor mamandary Reseide de, shetelde de COVID-19 infektsiiasynyń taralýyna turaqty monitoring júrgizip otyrǵanyn atap ótti.
Vedomstvo respiratorlyq infektsiia belgileri baiqalǵan jaǵdaida ózdiginen diagnoz qoiyp, emdelmeýge shaqyrdy. Dene qyzýynyń kóterilýi, jótel, tamaqtyń aýyrýy, murynnan sý aǵý, álsizdik nemese tynys alýdyń qiyndaýy kezinde dárigerge júginý qajet. Naqty diagnozdy dáriger tekserý jáne qajet bolǵan jaǵdaida zerthanalyq taldaý arqyly anyqtaidy.
