Qazaqstan men Mysyr qazaqstandyq týristerdiń elge kirýine qoiylatyn qosymsha talaptardy alyp tastaýǵa jáne ekijaqty yntymaqtastyqty keńeitýge kelist, dep habarlaidy dalanews.kz.
Qazaqstan men Mysyr saiasi dialogty nyǵaitý, saýda-ekonomikalyq jáne investitsiialyq yntymaqtastyqty keńeitý máselelerin talqylady. Bul týraly Qazaqstan Syrtqy ister ministrliginiń resmi sapar aiasynda ótken kelissózderinde aityldy.
Qazaqstannyń Syrtqy ister ministri Muhtar Tileýberdi Mysyrǵa resmi sapary barysynda Mysyrdyń syrtqy ister, halyqaralyq yntymaqtastyq jáne sheteldegi mysyrlyqtar isteri jónindegi ministri Badr Abdelattimen keńeitilgen quramda kelissóz júrgizdi.
Taraptar eki el arasyndaǵy saiasi dialogty nyǵaitý, saýda-ekonomikalyq jáne investitsiialyq yntymaqtastyqty keńeitý, sondai-aq halyqaralyq alańdardaǵy ózara is-qimyldy damytý perspektivalaryn qarastyrdy.
Syrtqy saiasi vedomstvolardyń basshylary Qazaqstan men Mysyr arasyndaǵy qarym-qatynastyń joǵary deńgeiin atap ótip, eki eldiń syrtqy ister ministrlikteri arasyndaǵy saiasi konsýltatsiialar tetiginiń mańyzdylyǵyna toqtaldy.
Mysyrdaǵy parlamenttik sailaý men Qazaqstandaǵy konstitýtsiialyq ózgerister aiasynda taraptar parlamenttik «dostyq toptarynyń» jumysyn jandandyrýǵa kelisti.
Kelissózderde mádeni-gýmanitarlyq bailanystardy damytýǵa da erekshe nazar aýdaryldy. Atap aitqanda, Álemdik jáne dástúrli dinder liderleri sezi aiasyndaǵy yntymaqtastyq máseleleri talqylandy.
Saýda-ekonomikalyq salada taraptar ózara saýdany keńeitý jáne birlesken investitsiialyq jobalardy júzege asyrý múmkindikterin atap ótti.
Kezdesý qorytyndysy boiynsha 2006 jylǵy 7 qarashadaǵy diplomatiialyq pasport ielerin vizadan bosatý týraly úkimetaralyq kelisimge ózgerister engizý jónindegi hattamaǵa qol qoiyldy. Qujatqa sáikes, vizasyz rejim jaramdy qyzmettik pasporty bar Qazaqstan men Mysyr azamattaryna da qoldanylady.
Kelissózderdiń mańyzdy nátijeleriniń biri Qazaqstandy Mysyr tarapy týristik maqsatta elge kiretin azamattaryna qosymsha talaptar qoiatyn Ortalyq Aziia memleketteriniń tiziminen shyǵarý týraly ýaǵdalastyq boldy.
Bul sheshim qazaqstandyq týristerdiń Mysyrǵa kirý sharttaryn jeńildetýge jáne eki el arasyndaǵy týristik almasýdy odan ári damytýǵa baǵyttalǵan.
Kelissózder aiaqtalǵan soń Muhtar Tileýberdi men Badr Abdelatti buqaralyq aqparat quraldaryna birlesken málimdeme jasap, kezdesýdiń qorytyndylaryn jariialady. Taraptar ekijaqty áriptestikti odan ári nyǵaitýǵa múddeli ekenin rastady.
