Tashkentte sáýlet organdarynyń ruqsatynsyz salynǵan 720-dan asa kópqabatty úi anyqtaldy. Bul týraly Ózbekstannyń qurylys jáne turǵyn úi-kommýnaldyq sharýashylyq ministri Sherzod Hidoiatov málimdedi, dep habarlaidy dalanews.kz.
Ministrdiń aitýynsha, mundai nysandar búkil el boiynsha túgendelgen. Qazir olarmen Bas prokýratýra ainalysyp jatyr. Úilerdi paidalanýǵa berý úshin arnaiy tártip ázirlenip jatyr. Nysandardyń beriktigi tekserilip, balalar alańdary, avtoturaqtar jáne qajet infraqurylym bar-joǵy baǵalanady.
Másele 13 qazanda Úkimet saǵatynda kóterildi. Depýtat Dilmýrod Ismoilov kópqabatty úilerdiń mańynda balalar jáne sport alańdary, avtoturaqtar jetispeitinin aitty.
Hidoiatovtyń sózinshe, 2024 jyldyń sońynda bekitilgen Tashkenttiń bas josparyna deiin aýktsionǵa shyǵarylǵan jerlerde ruqsatsyz turǵyn úiler salynǵan. Qazir qurylysqa ruqsat berý talaptary kúsheitilip, jobalardy tekseretin elektron júiege jasandy intellekt engizilgen.
