Astanada «Skotokrad» jedel-profilaktikalyq is-sharasy barysynda aýyl sharýashylyǵy janýarlaryn zańsyz óńdeitin tseh anyqtalyp, shyǵý tegi belgisiz 360 keli mal ónimi joiyldy, dep habarlaidy dalanews.kz.
Astanada aýyl sharýashylyǵy janýarlaryn zańsyz óńdep, bólshekteitin jasyryn tseh anyqtaldy. Bul derek «Skotokrad» respýblikalyq jedel-profilaktikalyq is-sharasy aiasynda belgili boldy. Aýyl sharýashylyǵy ministrligi Veterinariialyq baqylaý jáne qadaǵalaý komitetiniń Astana qalasy boiynsha aýmaqtyq inspektsiiasynyń málimetinshe, atalǵan nysanda tiisti ruqsat qujattarynsyz et ónimderin óńdeý jumystary júrgizilgen.
Atap aitqanda, ekinshi sanattaǵy nysandarǵa qoiylatyn veterinariialyq-sanitariialyq qorytyndy men eseptik nómir bolmaǵan.
Anyqtalǵan derek boiynsha memlekettik veterinariialyq-sanitariialyq inspektorlar qoi etinen synama alǵan. Úlgiler zerthanalyq zertteýler júrgizý úshin «Respýblikalyq veterinariialyq zerthana» respýblikalyq memlekettik kásipornynyń Astana óńirlik filialyna jiberilgen.
Quqyq buzýshylyqqa kináli tulǵaǵa ákimshilik aiyppul salynǵan. Sonymen qatar shyǵý tegi belgisiz iri jáne usaq qara maldyń jalpy salmaǵy 360 keli bolatyn ishki aǵzalary men qosalqy ónimderi joiylǵan. Olar «Astana-Vetservis» kommýnaldyq memlekettik kásipornynyń insinerator peshinde órtelgen.
Vedomstvo málimetinshe, bul baǵyttaǵy jumystar jalǵasyp jatyr.
