Shyǵys Qazaqstan oblysynda shahta sýyn Berezovka ózenine aǵyzǵan Dengbo Success Minerals LTD kompaniiasy ákimshilik jaýapkershilikke tartylyp, isi sotqa jiberildi, dep habarlaidy dalanews.kz.
Shyǵys Qazaqstan oblysynyń ekologiia departamenti shahta sýyn Berezovka ózenine aǵyzǵan Dengbo Success Minerals LTD kompaniiasyn ákimshilik jaýapkershilikke tartty. Bul týraly YK-News.kz habarlady.
Ekologiia departamentiniń baspasóz qyzmetiniń málimetinshe, tekserý qorytyndysy boiynsha kásiporyn Ákimshilik quqyq buzýshylyq týraly kodekstiń 328, 331, 337 jáne 358-baptary boiynsha jaýapkershilikke tartylǵan.
Sonymen qatar 2026 jylǵy 20 qazandaǵy jaǵdai boiynsha kompaniianyń ekologiialyq ruqsaty bolmaǵan. Is materialdary zańnamada belgilengen tártippen qaraý úshin sotqa joldanǵan.
Departamenttiń málimetinshe, ken ornynda iske qosý-baptaý jumystary júrgizilgen kezde shahta sýy sorǵylar arqyly tartylyp, Berezovka ózenine aǵyzylǵan.
Osyǵan bailanysty mamandar qorshaǵan ortaǵa keltirilgen yqtimal áserdi baǵalaý úshin ózen sýy men topyraqtan synama alǵan. Zerthanalyq zertteýler nátijesinde ózen sýy men topyraq quramynda lastaýshy zattardyń mólsheri joǵarylaǵany anyqtalǵan.
Ekologiia departamenti kásiporynǵa anyqtalǵan zańbuzýshylyqtardy joiý týraly nusqama bergen. Sondai-aq ken orny aýmaǵyndaǵy shahta sýlarynyń, lastanǵan jańbyr jáne erigen qar sýlarynyń sý aidyndaryna túsýine jol bermeý úshin tiisti sharalar qabyldaý mindettelgen.
