Jýrnalist Bibigúl Jeksenbai «Qazaqstan» respýblikalyq teleradiokorporatsiiasy basqarmasy tóraǵasynyń orynbasary bolyp taǵaiyndalǵany týraly aqparat tarady, dep habarlaidy dalanews.kz.
Bibigúl Jeksenbaidyń jańa qyzmetke taǵaiyndalǵany týraly aqparatty ProKadry.kz portaly 2026 jylǵy 22 qazanda jariialady.
Bibigúl Nurǵaliqyzy Jeksenbai 1971 jylǵy 2 jeltoqsanda dúniege kelgen. Ál-Farabi atyndaǵy Qazaq ulttyq ýniversitetiniń jýrnalistika fakýltetin támamdaǵan. Sondai-aq Abylai han atyndaǵy Qazaq halyqaralyq qatynastar jáne álem tilderi ýniversitetinde bilim alǵan.
Eńbek jolyn jýrnalistikadan bastaǵan. 1990-jyldary «Sport», «Jas Alash» basylymdarynda jumys istep, keiin «Habar» agenttiginde jýrnalist, prodiýser jáne Astanadaǵy ortalyq biýro direktorynyń orynbasary qyzmetterin atqarǵan.
2007–2008 jyldary «Qazaqstan» respýblikalyq teleradiokorporatsiiasynda aqparattyq-taldamalyq baǵdarlamalar direktsiiasynyń direktory bolǵan. Keiin «Jetinshi arnada» basshylyq qyzmetter atqaryp, 2019 jyly «Astana» telearnasynyń bas direktory bolyp taǵaiyndalǵan.
Budan bólek, Bibigúl Jeksenbai Senat tóraǵasynyń buqaralyq aqparat quraldarymen ózara is-qimyl máseleleri jónindegi keńesshisi qyzmetin atqarǵan. 2023 jylǵy qańtardan 2026 jylǵy 1 shildege deiin Astana qalasynan Qazaqstan Respýblikasy Parlamenti Senatynyń depýtaty bolǵan. Sondai-aq Ulttyq quryltai tóraǵasynyń orynbasary jáne Qazaqstan Azamattyq aliansy basshylyǵynyń múshesi retinde qyzmet atqarǵan.
