Tailand biligi elden ketetin týristerge qosymsha salyq engizý josparynan ázirge bas tartty. Bilik ókilderi bul bastama týristerdiń saparyna kedergi keltirip, týrizm salasynyń jandanýyn baiaýlatýy múmkin dep esepteidi. Ásirese qazir, týristik maýsym qyzǵan kezde, saiahatshylarǵa qosymsha qarjylyq salmaq túsirmeý mańyzdy, dep habarlaidy dalanews.kz.
Bastapqy jospar boiynsha, elden shyǵatyn ár týristen 5 myń batqa deiin qosymsha tólem alý usynylǵan. Bul Tailandqa kirý kezinde alynatyn qoldanystaǵy 450 bat alymnan bólek tólenýge tiis edi.
Alaida áýe biletteriniń qymbattaýy men álemdegi turaqsyz jaǵdai saiahattaýdy onsyz da shyǵyndy etken. Osyny eskergen bilik týristerge qosymsha qarjylyq mindetteme júktemeý týraly sheshim qabyldaǵan.
Tailandtyń Qarjy ministrligi elde ótken iri halyqaralyq kezdesýlerden keiin qalyptasqan oń nátijeni saqtap qalýdy kózdep otyr. Vedomstvonyń maqsaty – týristerdiń elge qaita-qaita kelýine jaǵdai jasaý jáne Tailandtyń saiahatshylar úshin tartymdylyǵyn arttyrý.
