Qazaqstanda keden zańnamasyn buzǵan 21 ýaqytsha saqtaý qoimasynyń qyzmeti toqtatylyp, olardyń ielerine qatysty 23 ákimshilik material jasalǵan, dep habarlaidy dalanews.kz.
Qazaqstanda ýaqytsha saqtaý qoimalarynyń (ÝSQ) qyzmetine júrgizilgen taldaý nátijesinde keden zańnamasynyń júieli buzýshylyqtary anyqtaldy. Bul týraly Bas kólik prokýratýrasy habarlady.
Kólik prokýratýrasy organdarynyń taldaýy el aýmaǵyndaǵy ýaqytsha saqtaý qoimalarynyń birqatarynda tizilimge engizý úshin qajetti talaptar saqtalmaǵanyn kórsetken.
Atap aitqanda, keibir qoimalarda temirjol joldary, betonnan jasalǵan qatty jabyn, baqylaý-ótkizý pýnktteri, beinebaqylaý kameralary men qorshaýlar bolmaǵan.
Prokýrorlyq qadaǵalaý aktisi boiynsha 21 qoimanyń qyzmeti toqtatyldy. Sonymen qatar olardyń ielerine qatysty 23 ákimshilik material rásimdelgen. Budan bólek, Memlekettik kirister komiteti aýmaqtyq bólimshelerge ýaqytsha saqtaý qoimalarynyń qyzmetin baqylaýdy uiymdastyrýdy jetildirý jóninde usynymdar bergen.
Prokýratýranyń málimetinshe, ýaqytsha saqtaý qoimalarynyń jumysyn talapqa sai uiymdastyrý júk óńdeý jyldamdyǵyna, taýar ainalymynyń úzdiksizdigine, tasymaldanatyn júkterdiń saqtalýyna jáne eldiń investitsiialyq tartymdylyǵyna tikelei áser etedi.
Keden salasyndaǵy zańdylyqtyń saqtalýyn qadaǵalaý jumystary jalǵasyp jatyr.
