قازاقستاندا مەملەكەتتٸك تۇرعىن ٷي كەزەگٸندە تۇرعان ازاماتتاردى تٷگەندەۋ جۇمىستارى باستالدى. «وتباسى بانك» جٷرگٸزگەن تەكسەرٸس نەتيجەسٸندە كەزەكتە تۇرعانداردىڭ بٸر بٶلٸگٸ باسپاناعا مۇقتاج ازاماتتارعا قويىلاتىن تالاپتارعا ساي كەلمەيتٸنٸ انىقتالعان. ولاردىڭ اراسىندا جىلجىمايتىن مٷلٸكتە ٷلەسٸ بار ادامدار, تٸپتٸ 10 نەمەسە ودان دا كٶپ پەتەرٸ بار ازاماتتار دا كەزدەسەدٸ, دەپ حابارلايدى dalanews.kz.
تۇرعىن ٷي كەزەگٸنەن شىعارۋعا نەگٸز بولاتىن باستى سەبەپتەردٸڭ بٸرٸ – ازاماتتىڭ جەكە باسپاناسىنىڭ بولۋى. سونداي-اق قازاقستان ازاماتتىعىنان ايىرىلىپ, باسقا ەلگە قونىس اۋدارعان ادامدار دا كەزەكتەن شىعارىلۋى مٷمكٸن.
بۇل رەتتە ازاماتتىڭ تابىس دەڭگەيٸ تۇرعىن ٷي كەزەگٸندە تۇرۋ قۇقىعىنا ەسەر ەتپەيدٸ. قازٸرگٸ ۋاقىتتا ەكٸمدٸكتەردەن تۇرعىن ٷي العان نەمەسە جەڭٸلدەتٸلگەن يپوتەكالىق نەسيە رەسٸمدەگەن ازاماتتارعا 30 مىڭنان استام حابارلاما جٸبەرٸلگەن.
ەگەر ازاماتتىڭ جەكە كابينەتٸندە تۇرعىن ٷي كەزەگٸندەگٸ مەرتەبەسٸ «توقتاتىلدى» دەپ ٶزگەرسە, «وتباسى بانككە» جٷگٸنٸپ, ونىڭ سەبەبٸن انىقتاۋ قاجەت.
