Ulttyq bank bazalyq mólsherlemeni tómendetti, dep habarlaidy dalanews.kz.
Ulttyq bank qandai sheshim qabyldady?
Ulttyq banktiń Aqsha-kredit saiasaty komiteti bazalyq mólsherlemeni +/- 1 p.t. jyldyq 15,75 paiyz deńgeiinde belgileý týraly sheshim qabyldady.
Budan keiingi sheshimder infliatsiia dinamikasy men infliatsiialyq boljamǵa qarai qabyldanady.
Aita keteiik, Aqsha-kredit saiasaty komitetiniń bazalyq mólsherleme boiynsha kezekti sheshimi 4 jeltoqsanda Astana ýaqytymen saǵat 12:00-de jariialanady.
Eske salaiyq, buǵan deiin Qazaqstanda bazalyq mólsherleme 16 paiyzǵa deiin tómendeýi múmkin degen boljam aityldy.
Bazalyq mólsherleme degen ne?
Bazalyq mólsherleme - Ulttyq bank belgileitin negizgi paiyzdyq kórsetkish. Ol arqyly bank sektorynyń jalpy baǵyty aiqyndalyp, eldegi nesie men infliatsiia deńgeiine áser etedi. Bul kórsetkish boiynsha Ulttyq bank kommertsiialyq uiymdarǵa qysqa merzimdi nesie beredi jáne olardyń qarajatyn depozit retinde qabyldaidy.
Qarapaiym tilmen aitqanda, bazalyq mólsherleme - el ekonomikasynyń "baǵdarshamy". Ony kóterse, nesie alý qymbattaidy, al túsirse kerisinshe arzan nesie alý múmkindigi artady. Osylaisha, Ulttyq bank osy tetik arqyly aqsha ainalymyn rettep, baǵa turaqtylyǵyn saqtaýǵa tyrysady.
