Astanada 51 azamatty 413 mln teńgeden asa somaǵa aldaǵan alaiaqtar sot aldynda jaýap beredi, dep habarlaidy dalanews.kz.
Elordada aýqymdy alaiaqtyq jasady dep aiyptalǵan 7 adamnan turatyn uiymdasqan qylmystyq topqa qatysty sotqa deiingi tergep-tekserý aiaqtaldy.
Uiymdasqan qylmystyq top músheleri 4 jyl boiy azamattardy jeńildetilgen turǵyn úi baǵdarlamalary arqyly baspana alýǵa, sondai-aq, tiimdi sharttarmen nesie jáne qarjylandyrý rásimdeýge kómektesemiz degen jeleýmen aldap kelgen.
Qylmystyq áreketterine zańdy sipat berý maqsatynda kúdiktiler keńse jalǵa alyp, kommertsiialyq uiymdar qurǵan, qyzmet kórsetý týraly sharttar jasasyp, kepildik hattar rásimdegen.
Qylmystyq áreket saldarynan 51 azamat zardap shegip, keltirilgen jalpy materialdyq zalal 413 mln teńgeden asty. Qylmystyq is sotqa joldandy.
