Aqtaýda 360 myń oqyrmany bar bloger alaiaqtyq boiynsha kúdikke ilindi, dep habarlaidy dalanews.kz.
Politsiianyń málimetinshe, Instagram arqyly satyp alýshylarǵa Qytaidan ákelinetin premiým sanattaǵy ydys-aiaq pen turmystyq tehnikany óte tómen baǵamen satyp alýǵa usynys jasalǵan. Bul jarnamaǵa satýshy 360 myńnan asa oqyrmany bar tanymal blogerdi tartqan.
Adamdar tapsyrys berip, aqshasyn aýdarǵanymen, ýáde etilgen taýarlardy ala almaǵan. Tergeý nusqasy boiynsha kúdiktiler túsken aqshany óz qajetine jumsaǵan.
Bloger men onyń sybailasy bolýy múmkin adam ustalyp, ýaqytsha ustaý izoliatoryna qamalǵan. Politsiia oqiǵanyń mán-jaiyn anyqtap, taǵy da zardap shekkender bar-joǵyn izdestirip jatyr. Alaiaqtyq deregi boiynsha qylmystyq is qozǵaldy.
Ashyq derekkóz málimetinshe, ol - aqtaýlyq bloger Saltanat Amanqosova.
