Halyqaralyq arbitraj soty Qazaqstannyń Qashaǵan munai ken ornyn igerýge jumsalǵan daýly shyǵyndardy óndirý týraly iri munai kompaniialaryna qoiǵan talaptarynyń bir bóligin qanaǵattandyrmady. Sóz shamamen 12 mlrd dollar týraly bolyp otyr. Bul týraly Bloomberg agenttigi jaǵdaidan habardar derekkózderge silteme jasap habarlady, dep habarlaidy dalanews.kz.
Qazaqstan ken ornyn igerýge bailanysty daýly shyǵyndar úshin shamamen 20 mlrd dollar óndirip alýǵa tyrysqan. Qashaǵan – elimizdegi kólemi jaǵynan ekinshi iri munai ken orny. Alaida ony paidalanýǵa berý birneshe jylǵa keshigip, naqty shyǵyndar bastapqy biýdjetten edáýir asyp ketken.
Arbitraj soty Qazaqstan úkimeti 2011–2015 jyldar aralyǵynda jumsalǵan shyǵyndarǵa qatysty talapty tym kesh bergen degen sheshim shyǵarǵan. Osyǵan bailanysty shamamen 12 mlrd dollar kólemindegi talap qanaǵattandyrylmaǵan.
Sonymen qatar sot jalpy somasy shamamen 8 mlrd dollar bolatyn basqa talaptardy qaraýdy jalǵastyrýǵa ruqsat bergen.
Osylaisha, Qashaǵan ken ornyna bailanysty Qazaqstan men munai kompaniialary arasyndaǵy daýdyń qalǵan bóligi boiynsha arbitrajdyq talqylaý jalǵasýy múmkin.
