حالىقارالىق اربيتراج سوتى قازاقستاننىڭ قاشاعان مۇناي كەن ورنىن يگەرۋگە جۇمسالعان داۋلى شىعىنداردى ٶندٸرۋ تۋرالى ٸرٸ مۇناي كومپانييالارىنا قويعان تالاپتارىنىڭ بٸر بٶلٸگٸن قاناعاتتاندىرمادى. سٶز شامامەن 12 ملرد دوللار تۋرالى بولىپ وتىر. بۇل تۋرالى Bloomberg اگەنتتٸگٸ جاعدايدان حاباردار دەرەككٶزدەرگە سٸلتەمە جاساپ حابارلادى, دەپ حابارلايدى dalanews.kz.
قازاقستان كەن ورنىن يگەرۋگە بايلانىستى داۋلى شىعىندار ٷشٸن شامامەن 20 ملرد دوللار ٶندٸرٸپ الۋعا تىرىسقان. قاشاعان – ەلٸمٸزدەگٸ كٶلەمٸ جاعىنان ەكٸنشٸ ٸرٸ مۇناي كەن ورنى. الايدا ونى پايدالانۋعا بەرۋ بٸرنەشە جىلعا كەشٸگٸپ, ناقتى شىعىندار باستاپقى بيۋدجەتتەن ەدەۋٸر اسىپ كەتكەن.
اربيتراج سوتى قازاقستان ٷكٸمەتٸ 2011–2015 جىلدار ارالىعىندا جۇمسالعان شىعىندارعا قاتىستى تالاپتى تىم كەش بەرگەن دەگەن شەشٸم شىعارعان. وسىعان بايلانىستى شامامەن 12 ملرد دوللار كٶلەمٸندەگٸ تالاپ قاناعاتتاندىرىلماعان.
سونىمەن قاتار سوت جالپى سوماسى شامامەن 8 ملرد دوللار بولاتىن باسقا تالاپتاردى قاراۋدى جالعاستىرۋعا رۇقسات بەرگەن.
وسىلايشا, قاشاعان كەن ورنىنا بايلانىستى قازاقستان مەن مۇناي كومپانييالارى اراسىنداعى داۋدىڭ قالعان بٶلٸگٸ بويىنشا اربيتراجدىق تالقىلاۋ جالعاسۋى مٷمكٸن.
