قازاقستاندىق جۋرناليست ەرٸ قوعام بەلسەندٸسٸ ارمان شوراەۆ ۋكرايناداعى سوعىسقا رەسەي ارميياسى قۇرامىندا قاتىسقان قازاقستان ازاماتتارىن قاتاڭ جازالاۋ كەرەك دەپ ەسەپتەيدٸ. ول بۇل تۋرالى Facebook-تەگٸ پاراقشاسىندا جازدى, دەپ حابارلايدى dalanews.kz.
شوراەۆتىڭ پٸكٸرٸنشە, ۋكراينا اۋماعىندا باسقىنشى ەسكەر قۇرامىندا بولعان قازاقستاندىقتاردى ەلگە قايتارۋعا كٷش سالۋدىڭ ورنىنا, ولاردى زاڭ اياسىندا جاۋاپقا تارتۋ قاجەت.
ول سوعىسقا قاتىسقان ازاماتتاردىڭ ٶزدەرٸن الداپ كەتكەنٸ تۋرالى ۋەجدەرٸن دە سىنعا العان. سونىمەن قاتار بەلسەندٸ سوعىس جٷرٸپ جاتقان ەلگە جۇمىس ٸستەۋ ٷشٸن بارۋدىڭ تەۋەكەلٸنە توقتالىپ, بالالارىن مۇنداي قاۋٸپكە جٸبەرگەن اتا-انالاردىڭ جاۋاپكەرشٸلٸگٸ تۋرالى مەسەلە كٶتەرگەن.
قازاقستان زاڭناماسىندا نە ايتىلعان?
قازاقستاندا شەت مەملەكەتتٸڭ اۋماعىنداعى قارۋلى قاقتىعىستارعا قاتىسقانى ٷشٸن قىلمىستىق جاۋاپكەرشٸلٸك قاراستىرىلعان.
قىلمىستىق كودەكستٸڭ 172-بابىنا سەيكەس, جالدامالىلىق بەلگٸلەرٸ بولماعان جاعدايدا شەت مەملەكەتتٸڭ اۋماعىنداعى قارۋلى قاقتىعىسقا نەمەسە ەسكەري ٸس-قيمىلدارعا قاساقانا زاڭسىز قاتىسقان ازامات بەس جىلدان توعىز جىلعا دەيٸن باس بوستاندىعىنان ايىرىلۋى مٷمكٸن.
ال قىلمىستىق كودەكستٸڭ 170-بابىندا جالدامالىلىق ٷشٸن جاۋاپكەرشٸلٸك كٶزدەلگەن. جازا قىلمىستىڭ مەن-جايى مەن اۋىرلىعىنا بايلانىستى بەلگٸلەنەدٸ.
بۇعان دەيٸن قازاقستان ازاماتتارىنىڭ رەسەي ەسكەرٸ قۇرامىندا ۋكرايناداعى سوعىسقا قاتىسقانى ٷشٸن سوتتالعان جاعدايلارى تٸركەلگەن. مەسەلەن, 2025 جىلعى تامىزدا اتىراۋ وبلىسىنىڭ سوتى رەسەي ەسكەرٸ قۇرامىندا دونەتسك وبلىسىنداعى ۇرىس قيمىلدارىنا قاتىسقان قازاقستاندىقتى بەس جىلعا باس بوستاندىعىنان ايىرعانىن راستاعان.
سونىمەن قاتار ازاماتتاردىڭ شەتەلدە ەسكەري كەلٸسٸمشارتقا قانداي جاعدايدا قول قويعانى ەربٸر ٸس بويىنشا جەكە انىقتالۋعا تيٸس. قازاقستاننىڭ قۇقىق قورعاۋ ورگاندارى قىلمىستىق جاۋاپكەرشٸلٸك مەسەلەسٸن قولدانىستاعى زاڭناماعا سەيكەس شەشەدٸ.
