قازاقستاندا كەيبٸر ماماندىقتار بويىنشا باكالاۆردى ٷش جىلدا اياقتاۋعا مٷمكٸندٸك بەرٸلگەنٸمەن, وقۋ اقىسى تٶمەندەمەيدٸ. سەبەبٸ ستۋدەنت بۇرىنعىداي 240, ال جەكەلەگەن بٸلٸم بەرۋ باعدارلامالارىندا كەمٸندە 300 اكادەمييالىق كرەديتتٸ تولىق مەڭگەرۋگە تيٸس. پرەمەر-مينيستر ولجاس بەكتەنوۆ دەپۋتاتتىق ساۋالعا بەرگەن جاۋابىندا جاڭا فورماتتىڭ ەرەكشەلٸگٸن تٷسٸندٸردٸ, دەپ حابارلايدى dalanews.kz.
ونىڭ ايتۋىنشا, وقۋ قۇنى ستۋدەنتتٸڭ ۋنيۆەرسيتەتتە قانشا جىل وقيتىنىنا ەمەس, بٸلٸم بەرۋ باعدارلاماسىنداعى اكادەمييالىق كرەديتتەردٸڭ جالپى كٶلەمٸنە قاراي ەسەپتەلەدٸ.
"وقۋ مەرزٸمٸ قىسقارعان جاعدايدا بٸلٸم بەرۋ باعدارلاماسىنىڭ كٶلەمٸ ٶزگەرمەيدٸ. ستۋدەنت بەلگٸلەنگەن اكادەمييالىق كرەديتتەردٸ قىسقا مەرزٸم ٸشٸندە يگەرەدٸ", – دەدٸ ٷكٸمەت باسشىسى.
دەمەك, تٶرت جىلعا ەسەپتەلگەن وقۋ باعدارلاماسى ٷش جىلعا جيناقتالادى. سونىڭ سالدارىنان ساباق كەستەسٸ تىعىزدالىپ, ستۋدەنتتٸڭ وقۋ جٷكتەمەسٸ ارتادى.
ۋنيۆەرسيتەتتەردٸڭ شىعىنى دا ايتارلىقتاي ازايمايدى. وقىتۋشىلار سول كٶلەمدەگٸ ساباقتى قىسقا ۋاقىتتا ٶتكٸزۋگە تيٸس, ال وقۋ عيماراتتارى, زەرتحانالار مەن ٶزگە دە ينفراقۇرىلىم بۇرىنعىداي پايدالانىلادى. وسىعان بايلانىستى ٷش جىلدىق جەدەلدەتٸلگەن فورمات وقۋ اقىسىن تٶمەندەتۋگە نەگٸز بولمايدى.
قازٸر ەلٸمٸزدە 16 مىڭنان استام ستۋدەنت تريمەسترلٸك جٷيەمەن بٸلٸم الىپ جٷر. مۇنداي تەسٸل Astana IT University, ەل-فارابي اتىنداعى قازۇۋ, ل.ن. گۋميلەۆ اتىنداعى ەۇۋ جەنە باسقا دا جوعارى وقۋ ورىندارىندا قولدانىلادى. ٷش جىلدىق باعدارلامالار نەگٸزٸنەن IT, كيبەرقاۋٸپسٸزدٸك, جاساندى ينتەللەكت, بيزنەس-تالداۋ جەنە ماركەتينگ باعىتتارىن قامتيدى.
الايدا بۇل فورماتتى بارلىق ماماندىققا ەنگٸزۋ مٷمكٸن ەمەس. مەديتسينا, ۆەتەرينارييا, سونداي-اق پەداگوگيكالىق جەنە ينجەنەرلٸك باعىتتاردىڭ بٸرقاتارى ۇزاق تەجٸريبەلٸك دايىندىقتى قاجەت ەتەدٸ.
ٷش جىلدىق باكالاۆرياتتىڭ تيٸمدٸلٸگٸ 2027 جىلى جان-جاقتى باعالانباق. عىلىم جەنە جوعارى بٸلٸم مينيسترلٸگٸ ەڭبەك مينيسترلٸگٸمەن, «اتامەكەن» پالاتاسىمەن جەنە بيزنەس ٶكٸلدەرٸمەن بٸرلەسٸپ, ستۋدەنتتەردٸ دايارلاۋعا جۇمسالاتىن شىعىندى, تٷلەكتەردٸڭ جۇمىسقا ورنالاسۋى مەن تابىسىن, سونداي-اق جۇمىس بەرۋشٸلەردٸڭ پٸكٸرٸن زەرتتەيدٸ.
