Otbasynyń ál-aýqatyn baǵalaityn jańa júie azamattardyń nesie, ipoteka nemese avtonesie alýyna áser etpeýi kerek. Bul týraly Ulttyq bank tóraǵasy Timýr Súleimenov málimdedi, dep habarlaidy dalanews.kz.
Onyń aitýynsha, bankter qaryz berer aldynda klienttiń tólem qabiletin óz júiesi arqyly tekseredi. Olar adamnyń tabysyn, múlkin, zeinetaqy aýdarymdaryn jáne buryn alǵan nesielerin qaraidy. Sondyqtan jańa júiede otbasynyń qai sanatqa jatqyzylǵany bank sheshimine yqpal etpeidi.
"Bankterdiń jumysy burynnan tsifrlandyrylǵan. Olar ár klienttiń nesie tóleý múmkindigin jaqsy baǵalaidy. Sondyqtan adamnyń ál-aýqat sanaty bank úshin mańyzdy emes. Bankterdiń óz baǵalaý júieleri bar jáne olar áldeqaida jetildirilgen", – dedi Timýr Súleimenov.
Súleimenovtiń sózinshe, ár bank nesie berý talaptaryn ózi belgileidi. Mysaly, keibiri tutynýshylyq nesiege, endi biri avtonesiege nemese kásipkerlerdi qarjylandyrýǵa basymdyq beredi. Sol sebepti klientterge qoiylatyn talaptar da ár bankte ártúrli.
