Qazaqstandyqtar aty ańyzǵa ainalǵan «Dos-Muqasan» ansambliniń negizin qalaýshy Murat Qusaiynovqa "Qazaqstannyń halyq ártisi" ataǵyn berýdi usynyp, petitsiia jariialady. Bastama memlekettik ePetition platformasynda kóterildi, dep habarlaidy dalanews.kz.
Petitsiia avtorlary Murat Qusaiynovtyń qazaq mýzyka ónerin damytýǵa qosqan úlesin atap ótip, onyń shyǵarmashylyǵy memlekettik deńgeide laiyq baǵalanýy tiis dep esepteidi.
Olardyń aitýynsha, táýelsizdik jyldarynda bul qurmetti ataq kóptegen óner iesine, sonyń ishinde jas býyn ókilderine de berilgen. Alaida qazaq estradasynyń qalyptasýyna eleýli eńbek sińirgen Murat Qusaiynov áli kúnge deiin atalǵan marapatqa ie bolmaǵan.
Murat Qusaiynov qazaq mýzykasynyń tarihynda ózindik orny bar "Dos-Muqasan" vokaldy-aspaptyq ansambliniń negizin qalaýshylardyń biri retinde tanymal. 1967 jyly qurylǵan ujym ulttyq án ónerin zamanaýi mýzykalyq baǵyttarmen ushtastyryp, qazaq estradasynyń damýyna tyń serpin berdi. Ansambldiń oryndaýyndaǵy kóptegen án birneshe býyn tyńdarmanynyń súiikti týyndysyna ainaldy.
Petitsiiaǵa qatysty jariialanǵan aqparatta memlekettik ótinishter platformasynyń qoljetimdiligi máselesi de kóterilgen. Atap aitqanda, ePetition qyzmetiniń eGov Mobile qosymshasyna engizilmegeni aitylyp, bul azamattardyń petitsiiaǵa qol qoiýyn qiyndatatyny synǵa alynǵan.
Aita keteiik, qoldanystaǵy tártip boiynsha respýblikalyq deńgeidegi petitsiia ýákiletti memlekettik organnyń qaraýyna joldanýy úshin keminde 50 myń azamattyń qoldaýyn jinaýy qajet.
Osy talap oryndalǵan jaǵdaida Murat Qusaiynovqa "Qazaqstannyń halyq ártisi" ataǵyn berý týraly bastama tiisti memlekettik organdardyń qaraýyna usynylýy múmkin.
