Qazaqstannyń tuńǵysh prezidenti Nursultan Nazarbaevtyń qyzy Áliia Nazarbaevamen buryn bailanystyrylǵan «Operator ROP» kompaniiasy jeke zańdy tulǵa retinde qyzmetin toqtatpaq. Qazir Greens Development ataýymen jumys isteitin kásiporyn memlekettik «Jasyl damý» aktsionerlik qoǵamyna qosylady.
Bul sheshim Qazaqstan Úkimetiniń 2026 jylǵy 22 shildedegi №647 qaýlysyna sáikes qabyldanǵan. Qujatta memlekettik «Jasyl damý» aktsionerlik qoǵamyn oǵan Greens Development kompaniiasyn qosý arqyly qaita uiymdastyrý kózdelgen.
Keiin, 25 qyrkúiekte, Greens Development kompaniiasynyń jalǵyz aktsioneri de atalǵan sheshimdi maquldaǵan. Tiisti aqparat Qarjylyq eseptilik depozitariiinde jariialandy.
«Greens development» aktsionerlik qoǵamy «Jasyl damý» aktsionerlik qoǵamyna qosylý arqyly qaita uiymdastyrylsyn», – delingen qujatta.
Qaita uiymdastyrý rásimderin júrgizý «Jasyl damý» kompaniiasynyń basqarmasy men Greens Development bas direktoryna júktelgen.
Osylaisha, barlyq qajetti rásim aiaqtalǵannan keiin burynǵy «Operator ROP» jeke kompaniia retinde qyzmetin toqtatady. Al onyń quqyqtary men mindettemeleri memlekettik «Jasyl damý» aktsionerlik qoǵamyna ótedi.
