قازاقستاننىڭ تۇڭعىش پرەزيدەنتٸ نۇرسۇلتان نازارباەۆتىڭ قىزى ەلييا نازارباەۆامەن بۇرىن بايلانىستىرىلعان «وپەراتور روپ» كومپانيياسى جەكە زاڭدى تۇلعا رەتٸندە قىزمەتٸن توقتاتپاق. قازٸر Greens Development اتاۋىمەن جۇمىس ٸستەيتٸن كەسٸپورىن مەملەكەتتٸك «جاسىل دامۋ» اكتسيونەرلٸك قوعامىنا قوسىلادى.
بۇل شەشٸم قازاقستان ٷكٸمەتٸنٸڭ 2026 جىلعى 22 شٸلدەدەگٸ №647 قاۋلىسىنا سەيكەس قابىلدانعان. قۇجاتتا مەملەكەتتٸك «جاسىل دامۋ» اكتسيونەرلٸك قوعامىن وعان Greens Development كومپانيياسىن قوسۋ ارقىلى قايتا ۇيىمداستىرۋ كٶزدەلگەن.
كەيٸن, 25 قىركٷيەكتە, Greens Development كومپانيياسىنىڭ جالعىز اكتسيونەرٸ دە اتالعان شەشٸمدٸ ماقۇلداعان. تيٸستٸ اقپارات قارجىلىق ەسەپتٸلٸك دەپوزيتارييٸندە جارييالاندى.
«Greens development» اكتسيونەرلٸك قوعامى «جاسىل دامۋ» اكتسيونەرلٸك قوعامىنا قوسىلۋ ارقىلى قايتا ۇيىمداستىرىلسىن», – دەلٸنگەن قۇجاتتا.
قايتا ۇيىمداستىرۋ رەسٸمدەرٸن جٷرگٸزۋ «جاسىل دامۋ» كومپانيياسىنىڭ باسقارماسى مەن Greens Development باس ديرەكتورىنا جٷكتەلگەن.
وسىلايشا, بارلىق قاجەتتٸ رەسٸم اياقتالعاننان كەيٸن بۇرىنعى «وپەراتور روپ» جەكە كومپانييا رەتٸندە قىزمەتٸن توقتاتادى. ال ونىڭ قۇقىقتارى مەن مٸندەتتەمەلەرٸ مەملەكەتتٸك «جاسىل دامۋ» اكتسيونەرلٸك قوعامىنا ٶتەدٸ.
