تاياۋ شىعىستاعى قاقتىعىستى بەيبٸت جولمەن رەتتەۋگە باعىتتالعان كەلٸسسٶزدەر ەلەمدٸك نارىقتاعى مۇناي باعاسىنىڭ تٶمەندەۋٸنە ەسەر ەتتٸ. الايدا ٶڭٸردە شابۋىلداردىڭ جالعاسۋى جاعدايدىڭ جاقىن ارادا تۇراقتالاتىنىنا كٷمەن تۋعىزىپ وتىر, دەپ حابارلايدى dalanews.kz.
Reuters اگەنتتٸگٸنٸڭ مەلٸمەتٸنشە, 27 قازانداعى ساۋدا قورىتىندىسى بويىنشا Brent ماركالى مۇنايدىڭ جەلتوقسان ايىنداعى فيۋچەرستەرٸ 0,57 پايىز ارزانداپ, باررەلٸنە 115,15 دوللار بولدى. ال امەريكالىق West Texas Intermediate (WTI) مۇنايىنىڭ باعاسى 0,43 پايىز تٶمەندەپ, 101,32 دوللاردى قۇرادى.
مۇنايدىڭ ارزانداۋىنا اقش پەن يزرايلدٸڭ يرانعا قارسى سوعىسىن توقتاتۋعا باعىتتالعان ديپلوماتييالىق ەرەكەتتەر سەبەپ بولدى. دەگەنمەن باعا ەلٸ دە جوعارى دەڭگەيدە قالىپ وتىر. اتاپ ايتقاندا, Brent مۇنايىنىڭ قۇنى سوڭعى التى ايداعى ەڭ جوعارى كٶرسەتكٸشتەرگە جاقىن.
تەگەرانداعى كەلٸسسٶزدەر
26 قازاندا ساۋد ارابيياسى, تٷركييا جەنە پەكٸستان ٶكٸلدەرٸ تەگەرانعا بارىپ, يران بيلٸگٸمەن كەلٸسسٶز جٷرگٸزدٸ. كەزدەسۋدە تاياۋ شىعىستاعى شيەلەنٸستٸ بەسەڭدەتۋ, ەسكەري قاقتىعىستىڭ ودان ەرٸ ٶرشۋٸنە جول بەرمەۋ جەنە ٶڭٸردەگٸ قاۋٸپسٸزدٸكتٸ قامتاماسىز ەتۋ مەسەلەلەرٸ تالقىلاندى.
ساۋد ارابيياسى تاراپىنىڭ مەلٸمدەۋٸنشە, ساپاردىڭ باستى ماقساتى تاراپتار اراسىنداعى ديپلوماتييالىق بايلانىستى ساقتاپ, كەلٸسسٶزدەردٸ جالعاستىرۋعا جاعداي جاساۋ بولعان.
ال يراننىڭ مەملەكەتتٸك اقپارات قۇرالدارى تٶرت ەلدٸڭ بەيبٸتشٸلٸك پەن قاۋٸپسٸزدٸك سالاسىنداعى ىنتىماقتاستىقتى نىعايتۋعا كەلٸسكەنٸن حابارلادى.
بۇل جاڭالىق مۇناي نارىعىنا دا ەسەر ەتتٸ. قاقتىعىستى كەلٸسسٶز ارقىلى توقتاتۋ مٷمكٸندٸگٸ پايدا بولعان سوڭ, ينۆەستورلاردىڭ مۇناي جەتكٸزٸلٸمٸنە قاتىستى الاڭداۋشىلىعى بٸرشاما سەيٸلدٸ. سونىڭ نەتيجەسٸندە ەلەمدٸك نارىقتا مۇناي باعاسى تٶمەندەي باستادى.
ساۋد ارابيياسىنا جاسالعان شابۋىلدار جاعدايدى كٷردەلەندٸردٸ
دەگەنمەن ديپلوماتييالىق كەلٸسسٶزدەر ٶڭٸردەگٸ قاۋٸپ-قاتەردٸ تولىق سەيٸلتە العان جوق. يرانمەن بايلانىسى بار حۋسيتتەردٸڭ ساۋد ارابيياسىنا قايتا شابۋىل جاساۋى تاياۋ شىعىستاعى جاعدايدىڭ ەلٸ دە كٷردەلٸ ەكەنٸن كٶرسەتتٸ.
Reuters مەلٸمەتٸنشە, قازان ايىندا ورمۋز بۇعازى مەن وعان جاقىن تەڭٸز جولدارىندا ساۋدا كەمەلەرٸنە جاسالعان شابۋىلدار جيٸلەگەن. تەڭٸزدەگٸ قاۋٸپسٸزدٸككە قاتىستى وقيعالاردى تٸركەيتٸن ۆاشينگتونداعى تالداۋ ورتالىعىنىڭ دەرەكتەرٸنە سٷيەنسەك, بۇل اي 2017 جىلدان بەرگٸ ەڭ كٷردەلٸ كەزەڭدەردٸڭ بٸرٸ بولعان.
مۇنداي جاعداي مۇناي تاسىمالىنا قاۋٸپ تٶندٸرٸپ قانا قويماي, ەلەمدٸك نارىقتاعى باعانىڭ تۇراقسىزدىعىن كٷشەيتۋٸ مٷمكٸن.
مۇناي باعاسى الداعى ۋاقىتتا قالاي ٶزگەرۋٸ مٷمكٸن?
تاياۋ شىعىستاعى جاعدايدىڭ ەلەمدٸك مۇناي نارىعىنا ەسەرٸ زور. ٶيتكەنٸ ٶڭٸردە ورنالاسقان ورمۋز بۇعازى مۇناي مەن گاز تاسىمالدايتىن اسا ماڭىزدى تەڭٸز جولدارىنىڭ بٸرٸ سانالادى.
اقپان ايىندا ەسكەري قاقتىعىس باستالعانعا دەيٸن ەلەمدٸك ەنەرگييا جەتكٸزٸلٸمٸنٸڭ شامامەن بەستەن بٸر بٶلٸگٸ وسى بۇعاز ارقىلى ٶتكەن.
سوندىقتان مۇنداعى كەمە قاتىناسىنىڭ بۇزىلۋى مۇناي تاسىمالىن قيىنداتىپ, حالىقارالىق نارىقتاعى باعانىڭ ٶسۋٸنە ەكەلۋٸ مٷمكٸن.
قازٸر ەلەمدٸك نارىقتاعى جاعداي ەكٸ فاكتورعا تەۋەلدٸ بولىپ وتىر. بٸر جاعىنان, تەگەرانداعى كەلٸسسٶزدەر قاقتىعىستى بەيبٸت جولمەن شەشۋگە ٷمٸت ۇيالاتسا, ەكٸنشٸ جاعىنان, جالعاسىپ جاتقان شابۋىلدار مۇناي جەتكٸزٸلٸمٸنە قاۋٸپ تٶندٸرۋدە.
ەگەر ديپلوماتييالىق كەلٸسسٶزدەر نەتيجەلٸ بولىپ, ٶڭٸردەگٸ شيەلەنٸس بەسەڭدەسە, مۇناي باعاسى ودان ەرٸ تٶمەندەۋٸ مٷمكٸن. ال ەسكەري قاقتىعىس قايتا كٷشەيسە, ەلەمدٸك نارىقتا مۇنايدىڭ قىمباتتاۋ قاۋپٸ ساقتالادى.
