اتىراۋ وبلىسىندا حالىقتى ەلەۋمەتتٸك قورعاۋ سالاسىنداعى رەتتەۋ جەنە باقىلاۋ كوميتەتٸنٸڭ دەپارتامەنت باسشىسى باۋىرجان اساينوۆتىڭ مەيٸتٸ پەتەرٸنەن تابىلعان, دەپ حابارلايدى dalanews.kz.
«اق جايىق» باسىلىمنىڭ مەلٸمەتٸنشە, اساينوۆتىڭ دەنەسٸ 18 قازاندا ٶزٸ تۇرعان پەتەردەن تابىلعان. ونىڭ قايتىس بولعانىن ەرٸپتەستەرٸ دە راستاعان. ۆەدومستۆونىڭ رەسمي پاراقشاسىندا مارقۇمعا ارنالعان قازاناما جارييالانىپ, جاقىندارىنا كٶڭٸل ايتىلعان.
باسقا دا دەرەككٶزدەر شەنەۋنٸكتٸڭ دەنەسٸ تابىلعانعا دەيٸن پەتەردە شامامەن ەكٸ اپتا جاتۋى مٷمكٸن ەكەنٸن جازدى. سونداي-اق باق مارقۇم مەن ونىڭ اعاسى اراسىندا جانجال بولۋى ىقتيمال دەگەن اقپارات تاراتقان. الايدا بۇل مەلٸمەتتەر رەسمي تٷردە راستالماعان.
باسىلىمنىڭ جازۋىنشا, وقيعاعا دەيٸن اعايىندىلار بٸرگە الكوگولدٸك ٸشٸمدٸك ٸشٸپ, كەيٸن جانجالداسقان بولۋى مٷمكٸن. دەرەككٶزدەر مارقۇمنىڭ اعاسى ونى سوعىپ, پەتەردەن كەتٸپ قالعان دەگەن بولجامدى دا العا تارتقان. دەگەنمەن جانجالدىڭ بولعانى, وعان كٸمنٸڭ قاتىسقانى جەنە ونىڭ ٶلٸمگە قاتىسى بار-جوعى ەزٸرگە رەسمي تٷردە انىقتالعان جوق.
قازٸرگٸ ۋاقىتتا باۋىرجان اساينوۆتىڭ ٶلٸم سەبەبٸ تۋرالى رەسمي اقپارات جارييالانباعان. وقيعانىڭ مەن-جايى جٶنٸندە قۇقىق قورعاۋ ورگاندارىنىڭ تٷسٸنٸكتەمەسٸ قاجەت.
باۋىرجان اساينوۆ 2023 جىلعى 4 قاڭتاردان باستاپ اتىراۋ وبلىسى بويىنشا ەلەۋمەتتٸك قورعاۋ سالاسىنداعى رەتتەۋ جەنە باقىلاۋ دەپارتامەنتٸن باسقارعان. بۇعان دەيٸن پروكۋراتۋرا ورگاندارىندا, مەملەكەتتٸك قىزمەت ٸستەرٸ اگەنتتٸگٸندە, يندۋسترييا جەنە جاڭا تەحنولوگييالار مينيسترلٸگٸندە جۇمىس ٸستەگەن. سونداي-اق دەنساۋلىق ساقتاۋ مينيسترلٸگٸنٸڭ سانيتارييالىق-ەپيدەميولوگييالىق باقىلاۋ كوميتەتٸندەگٸ ٸشكٸ قاۋٸپسٸزدٸك باسقارماسىن باسقارعان.
