استانا قالاسىنىڭ سارايشىق اۋدانىندا كٶگالداندىرۋ جۇمىستارى جالعاسىپ جاتىر, دەپ حابارلايدى dalanews.kz.
استانادا سەنبٸلٸك اياسىندا پرەزيدەنتتٸك ساياباققا 30 تٷپ شىرشا وتىرعىزىلىپ جاتىر. كٶگالداندىرۋ جۇمىسىنا سارايشىق اۋدانى ەكٸمدٸگٸ اپپاراتىنىڭ 50 قىزمەتكەرٸ قاتىسۋدا. باستاما ەلوردانىڭ جاسىل جەلەگٸن كٶبەيتٸپ, قورشاعان ورتانى جاقسارتۋعا باعىتتالعان.
سارايشىق اۋدانى ەكٸمٸنٸڭ ورىنباسارى مۇحامەدييار قوجەكەنوۆتٸڭ ايتۋىنشا, بيىل اۋدان اۋماعىندا 8 مىڭنان استام اعاش پەن 25 مىڭنان استام بۇتالى ٶسٸمدٸك وتىرعىزىلعان.
«بيىل اۋدانىمىزدا 8 مىڭنان استام اعاش جەنە 25 مىڭنان استام بۇتالى ٶسٸمدٸك وتىرعىزىلدى. قازٸر سارايشىق اۋدانىنىڭ جاسىل قورى 80 مىڭنان استام اعاشتى قۇرايدى. اعاش وتىرعىزۋ – قالانىڭ ەكولوگييالىق جاعدايىن جاقسارتۋعا, اۋا ساپاسىن ارتتىرۋعا جەنە كٶرٸكتٸ ورتا قالىپتاستىرۋعا باعىتتالعان ماڭىزدى شارالاردىڭ بٸرٸ», – دەدٸ مۇحامەدييار قوجەكەنوۆ.
قالا اۋماعىن كٶگالداندىرۋ ەلوردانىڭ ەكولوگييالىق احۋالىن جاقسارتىپ قانا قويماي, تۇرعىندارعا قولايلى ورتا قالىپتاستىرۋعا دا ىقپال ەتەدٸ. وسىعان وراي اۋدان ەكٸمدٸگٸ قالا تۇرعىندارىن تازالىق پەن كٶگالداندىرۋعا باعىتتالعان باستامالارعا بەلسەندٸ قاتىسىپ, ورتاق كەڭٸستٸكتٸڭ جاسىل جەلەگٸن ساقتاۋعا ٷلەس قوسۋعا شاقىردى.
