استانادا كٷرەس تٷرلەرٸنەن ەلەم چەمپيوناتىنا بيلەت ساتىپ الۋعا كەلگەن كٶرەرمەندەر قيىندىققا تاپ بولدى. جانكٷيەرلەردٸڭ ايتۋىنشا, «بارىس ارەنا» سپورت كەشەنٸندە بيلەتتەر بٸر عانا كاسسا ارقىلى ساتىلىپ, ۇزىن-سونار كەزەك پايدا بولعان, دەپ حابارلايدى dalanews.kz.
ەلەۋمەتتٸك جەلٸلەردە تاراعان حابارلاماعا سەيكەس, كٶرەرمەندەر بيلەتتٸ ونلاين ساتىپ الا الماي, كاسساعا جٷگٸنۋگە مەجبٷر بولعان. ادامنىڭ كٶپتٸگٸنەن بيلەتتەردٸ رەسٸمدەۋ قيىنداپ, جانكٷيەرلەر ۇزاق ۋاقىت كٷتكەن.
الايدا ونلاين ساتىلىمنىڭ ناقتى قانداي سەبەپپەن قولجەتٸمسٸز بولعانى ەزٸرگە بەلگٸسٸز. ۇيىمداستىرۋشىلاردىڭ بۇل جاعدايعا قاتىستى رەسمي تٷسٸنٸكتەمەسٸ دە تابىلعان جوق.
استانا ەكٸمدٸگٸنٸڭ 13 قازاندا جارييالاعان اقپاراتىنا سەيكەس, كٷرەس تٷرلەرٸنەن ەلەم چەمپيوناتىنا بيلەتتەردٸ wrestling.kz سايتىنان نەمەسە «بارىس ارەنا» كاسسالارىنان ساتىپ الۋعا بولادى. كاسسا كٷن سايىن ساعات 12:00-دەن 20:00-گە دەيٸن جۇمىس ٸستەيتٸنٸ حابارلانعان.
گرەك-ريم, ەركٸن جەنە ەيەلدەر كٷرەسٸنەن ەلەم چەمپيوناتى 24 قازان مەن 1 قاراشا ارالىعىندا ٶتەدٸ. جارىسقا ەلەمنٸڭ 135 ەلٸنەن 900-دەن استام سپورتشى قاتىسادى دەپ جوسپارلانعان.
جانكٷيەرلەردٸڭ پٸكٸرٸنشە, حالىقارالىق دەڭگەيدەگٸ جارىس كەزٸندە بيلەت ساتۋ جۇمىسىن ۇيىمداستىرۋعا ەرەكشە نازار اۋدارۋ قاجەت. ەسٸرەسە كٶرەرمەندەر اعىنى كٶپ بولعاندا, بيلەتتٸ ونلاين ساتىپ الۋ مٷمكٸندٸگٸ مەن كاسسالاردىڭ جۇمىسىن ٷيلەستٸرۋ ماڭىزدى.
دالا News رەداكتسيياسى بيلەت ساتۋ مەسەلەسٸنە قاتىستى ۇيىمداستىرۋشىلاردىڭ تٷسٸنٸكتەمەسٸن كٷتەدٸ.
