قازاقستاننىڭ تۇڭعىش پرەزيدەنتٸنٸڭ نەمەرەسٸ نۇرەلٸ ەليەۆ ەجەسٸ سارا نازارباەۆا نەگٸزٸن قالاعان «ٶزٸن-ٶزٸ تانۋ» باعىتىن قايتا دامىتۋعا نيەتتٸ ەكەنٸن مەلٸمدەدٸ, دەپ حابارلايدى dalanews.kz.
ول سۇحباتتارىنىڭ بٸرٸندە جاس ۇرپاققا رۋحاني جەنە ادامگەرشٸلٸك تەربيە بەرۋدٸڭ ماڭىزىنا توقتالىپ, بۇل باستامانى قايتا جانداندىرۋ قاجەت دەپ ەسەپتەيتٸنٸن ايتقان.
«ٶزٸن-ٶزٸ تانۋ» پەنٸ قازاقستان مەكتەپتەرٸنٸڭ مٸندەتتٸ وقۋ باعدارلاماسىنا 2010–2011 وقۋ جىلىندا ەنگٸزٸلگەن. سارا نازارباەۆانىڭ باستاماسىمەن ەزٸرلەنگەن كۋرس وقۋشىلاردىڭ بويىندا مەيٸرٸمدٸلٸك, ٸزگٸلٸك, جاۋاپكەرشٸلٸك, ادامگەرشٸلٸك جەنە ٸشكٸ ٷيلەسٸمدٸلٸك سەكٸلدٸ قاسيەتتەردٸ قالىپتاستىرۋعا باعىتتالدى.
2022 جىلى وقۋ-اعارتۋ مينيسترلٸگٸ اتالعان پەندٸ مٸندەتتٸ ساباقتار قاتارىنان الىپ تاستاپ, فاكۋلتاتيۆتٸك كۋرس فورماتىنا اۋىستىرعان بولاتىن.
نۇرەلٸ ەليەۆ بالالار مەن جاستاردىڭ رۋحاني تەربيەسٸنە كٶبٸرەك كٶڭٸل بٶلٸپ, ادامگەرشٸلٸك قۇندىلىقتاردى ناسيحاتتايتىن جوبالاردى دامىتۋعا مٷددەلٸ ەكەنٸن جەتكٸزدٸ.
ونىڭ پٸكٸرٸنشە, مۇنداي باستامالار جاس ۇرپاقتىڭ تۇلعالىق قالىپتاسۋىنا, قوعام الدىنداعى جاۋاپكەرشٸلٸگٸن سەزٸنۋٸنە جەنە ٸزگٸ قاسيەتتەردٸ بويىنا سٸڭٸرۋٸنە وڭ ىقپال ەتەدٸ.
