اقتٶبە وبلىسىندا بەنزين قۇيۋ كەزٸندە اۋىر كٷيٸك العان 46 جاستاعى جۇمىسشى اۋرۋحانادا قايتىس بولدى. دەرٸگەرلەر ونىڭ ٶمٸرٸن ساقتاپ قالۋ ٷشٸن بٸر اپتا بويى كٷرەسكەنٸمەن, جاراقاتى تىم اۋىر بولعان, دەپ dalanews.kz تٸلشٸسٸ كتك تەلەارناسىنا سٸلتەمە جاساپ حابارلايدى.
قايعىلى وقيعا 13 قازاندا بولعان. الدىن الا مەلٸمەت بويىنشا, ەكٸ جۇمىسشى بەنزيندٸ بٸر ىدىستان ەكٸنشٸسٸنە قۇيىپ جاتقان كەزدە ٶرت شىعىپ, ەكەۋٸ دە اۋىر كٷيٸك جاراقاتىن العان.
زارداپ شەككەندەردٸڭ بٸرٸ – 46 جاستاعى جۇباندىق دٷيسەمباەۆ. ونىڭ دەنەسٸنٸڭ 85 پايىزىن كٷيٸك شالعان.
وقيعادان كەيٸن ەكٸ جۇمىسشى دا سانيتارلىق اۆياتسييانىڭ كٶمەگٸمەن اۋداننان اقتٶبە قالاسىنداعى اۋرۋحاناعا جەتكٸزٸلگەن. دەرٸگەرلەر ناۋقاستاردىڭ جاعدايى اۋىر بولعاندىقتان, ەمدەۋ جۇمىستارىنا استانادان مامانداردى دا تارتقان.
دەرٸگەرلەر بٸر اپتا بويى ٶمٸرٸ ٷشٸن كٷرەستٸ
جۇباندىق دٷيسەمباەۆ جانساقتاۋ بٶلٸمٸندە ەم قابىلداعان. الايدا دەرٸگەرلەردٸڭ بارلىق كٷش-جٸگەرٸنە قاراماستان, ونىڭ ٶمٸرٸن ساقتاپ قالۋ مٷمكٸن بولماعان.
اقتٶبەدەگٸ №1 كٶپبەيٸندٸ اۋرۋحانانىڭ تراۆماتولوگ دەرٸگەرٸ نۇرلان ەبٸشەۆ ناۋقاستاردىڭ جاعدايىنا قاتىستى تٷسٸنٸكتەمە بەردٸ.
"ەمدەۋ بارىسىندا ناۋقاستاردىڭ بٸرٸن سانيتارلىق اۆياتسييامەن استانا قالاسىنا جٸبەردٸك. ەكٸنشٸ ناۋقاس جاراقاتىنىڭ اۋىرلىعىنا بايلانىستى, دەنەسٸنٸڭ 85 پايىزىن كٷيٸك شالعاندىقتان, قايتىس بولدى", – دەدٸ دەرٸگەر.
ال ەكٸنشٸ زارداپ شەككەن جۇمىسشىنىڭ دەنەسٸنٸڭ 40 پايىزىن كٷيٸك شالعان. ول ەرٸ قاراي ەم قابىلداۋ ٷشٸن استانا قالاسىنا جەتكٸزٸلگەن.
