Aqtóbe oblysynda benzin quiý kezinde aýyr kúiik alǵan 46 jastaǵy jumysshy aýrýhanada qaitys boldy. Dárigerler onyń ómirin saqtap qalý úshin bir apta boiy kúreskenimen, jaraqaty tym aýyr bolǵan, dep dalanews.kz tilshisi KTK telearnasyna silteme jasap habarlaidy.
Qaiǵyly oqiǵa 13 qazanda bolǵan. Aldyn ala málimet boiynsha, eki jumysshy benzindi bir ydystan ekinshisine quiyp jatqan kezde órt shyǵyp, ekeýi de aýyr kúiik jaraqatyn alǵan.
Zardap shekkenderdiń biri – 46 jastaǵy Jubandyq Dúisembaev. Onyń denesiniń 85 paiyzyn kúiik shalǵan.
Oqiǵadan keiin eki jumysshy da sanitarlyq aviatsiianyń kómegimen aýdannan Aqtóbe qalasyndaǵy aýrýhanaǵa jetkizilgen. Dárigerler naýqastardyń jaǵdaiy aýyr bolǵandyqtan, emdeý jumystaryna Astanadan mamandardy da tartqan.
Dárigerler bir apta boiy ómiri úshin kúresti
Jubandyq Dúisembaev jansaqtaý bóliminde em qabyldaǵan. Alaida dárigerlerdiń barlyq kúsh-jigerine qaramastan, onyń ómirin saqtap qalý múmkin bolmaǵan.
Aqtóbedegi №1 kópbeiindi aýrýhananyń travmatolog dárigeri Nurlan Ábishev naýqastardyń jaǵdaiyna qatysty túsinikteme berdi.
"Emdeý barysynda naýqastardyń birin sanitarlyq aviatsiiamen Astana qalasyna jiberdik. Ekinshi naýqas jaraqatynyń aýyrlyǵyna bailanysty, denesiniń 85 paiyzyn kúiik shalǵandyqtan, qaitys boldy", – dedi dáriger.
Al ekinshi zardap shekken jumysshynyń denesiniń 40 paiyzyn kúiik shalǵan. Ol ári qarai em qabyldaý úshin Astana qalasyna jetkizilgen.
