Búgin Óskemendegi Shyǵys Qazaqstan oblystyq filarmoniiasynda Respýblika kúnine arnalǵan saltanatty is-shara ótti. Oǵan oblys ákimi Nurymbet Saqtaǵanov qatysty.
Óńir basshysy jinalǵandardy ulttyq merekemen quttyqtap, Respýblika kúniniń el tarihyndaǵy mańyzyna toqtaldy.
«Barshańyzdy ulttyq mereke – Respýblika kúnimen shyn júrekten quttyqtaimyn! 1990 jylǵy 25 qazanda qabyldanǵan Qazaqstannyń Memlekettik egemendigi týraly deklaratsiia elimizdiń táýelsizdigine jol ashyp, jańa tarihi kezeńniń negizin qalady. Búginde Prezident Qasym-Jomart Kemeluly Toqaevtyń bastamasymen aýqymdy saiasi, ekonomikalyq jáne áleýmettik reformalar júzege asyrylýda. Osy baǵytta biyl tarihi mańyzy zor ózgerister boldy. Jalpyhalyqtyq referendýmda jańa Konstitýtsiia qabyldanyp, Quryltai men Qazaqstan Halyq Keńesi óz jumysyn bastady. Mereke qarsańynda barlyǵyńyzǵa zor densaýlyq, otbasylaryńyzǵa amandyq, eńbekterińizge tabys tileimin», – dedi Nurymbet Saqtaǵanov.
Saltanatty is-shara barysynda oblystyń áleýmettik-ekonomikalyq damýyna úles qosyp, túrli salada eńbek etip júrgen azamattarǵa memlekettik nagradalar tabystaldy. Olarǵa «Parasat», «Qurmet», III dárejeli «Eńbek dańqy» ordenderi, «Eren eńbegi úshin» jáne «Shapaǵat» medaldary, «Qazaqstannyń eńbek sińirgen qairatkeri» qurmetti ataǵy berildi.
Al merekelik kontsertte óńir ónerpazdary men shyǵarmashylyq ujymdary kórermenge taqyryptyq nómirler usyndy.
