Astana qalasynyń Saraishyq aýdanynda kógaldandyrý jumystary jalǵasyp jatyr, dep habarlaidy dalanews.kz.
Astanada senbilik aiasynda Prezidenttik saiabaqqa 30 túp shyrsha otyrǵyzylyp jatyr. Kógaldandyrý jumysyna Saraishyq aýdany ákimdigi apparatynyń 50 qyzmetkeri qatysýda. Bastama elordanyń jasyl jelegin kóbeitip, qorshaǵan ortany jaqsartýǵa baǵyttalǵan.
Saraishyq aýdany ákiminiń orynbasary Muhamediiar Qojekenovtiń aitýynsha, biyl aýdan aýmaǵynda 8 myńnan astam aǵash pen 25 myńnan astam butaly ósimdik otyrǵyzylǵan.
«Biyl aýdanymyzda 8 myńnan astam aǵash jáne 25 myńnan astam butaly ósimdik otyrǵyzyldy. Qazir Saraishyq aýdanynyń jasyl qory 80 myńnan astam aǵashty quraidy. Aǵash otyrǵyzý – qalanyń ekologiialyq jaǵdaiyn jaqsartýǵa, aýa sapasyn arttyrýǵa jáne kórikti orta qalyptastyrýǵa baǵyttalǵan mańyzdy sharalardyń biri», – dedi Muhamediiar Qojekenov.
Qala aýmaǵyn kógaldandyrý elordanyń ekologiialyq ahýalyn jaqsartyp qana qoimai, turǵyndarǵa qolaily orta qalyptastyrýǵa da yqpal etedi. Osyǵan orai aýdan ákimdigi qala turǵyndaryn tazalyq pen kógaldandyrýǵa baǵyttalǵan bastamalarǵa belsendi qatysyp, ortaq keńistiktiń jasyl jelegin saqtaýǵa úles qosýǵa shaqyrdy.
