Respýblika saraiynda Respýblika kúnine orai tanymal qazaqstandyq ónerpazdar, shyǵarmashylyq ujymdar men óner maitalmandary bas qosqan saltanatty merekelik kontsert ótti, dep habarlaidy dalanews.kz.
Merekelik keshtiń kontserttik baǵdarlamasy mýzyka, horeografiia, poeziia men zamanaýi sahnalyq qoiylymdardy toǵystyryp, kórermenderge erekshe rýhani áser syilady.
Sahna tórinde Qazaqstannyń halyq ártisi Roza Rymbaeva, Ramazan Stamǵaziev, Tamara Asar, Dastan Orazbekov, Medeý Arynbaev, Meirambek Bespaev pen Ǵazizhan Shekerbekovtiń dýeti, Berqut pen Aisha, «MýzArt laif» toby jáne basqa da tanymal ónerpazdar týǵan jerge, elge jáne Almaty qalasyna arnalǵan ánderin shyrqady.
Kontserttik baǵdarlamada Otanǵa degen qurmet, el birligi men yntymaǵy, táýelsizdiktiń qadiri jáne ulttyq qundylyqtar taqyryptary keńinen kórinis tapty. Áserli mýzykalyq nómirler men sahnalyq qoiylymdar kórermenderdiń patriottyq sezimin oiatyp, merekelik kóńil kúi syilady.
Ulttyq mereke – Respýblika kúni qutty bolsyn!
