بٷگٸن وبلىس ەكٸمٸ مۇرات ەرگەشباەۆتىڭ قاتىسۋىمەن سىر ٶڭٸرٸندەگٸ ەگٸن جيناۋ ناۋقانىنىڭ اياقتالۋىنا وراي «اقمارجان» اگرومەدەني فەستيۆالٸ اياسىندا «التىن كٷز – 2026» سالتاناتتى شاراسى ٶتتٸ.
وندا اۋىل شارۋاشىلىعى سالاسىنداعى جەتٸستٸكتەر تانىستىرىلىپ, جەرگٸلٸكتٸ ٶندٸرۋشٸلەردٸڭ ٶنٸمدەرٸ قويىلعان كٶرمە ۇيىمداستىرىلدى.
ايماق باسشىسى ەل ىرىسىن ەسەلەۋگە ٷلەس قوسقان دالا ەڭبەككەرلەرٸنە العىسىن بٸلدٸردٸ.
«مەملەكەت باسشىسى قاسىم-جومارت كەمەلۇلى ٶز جولداۋىندا اگروٶنەركەسٸپ كەشەنٸن جاڭعىرتۋ, وزىق تەحنولوگييالاردى ەنگٸزۋ, ٶنٸمدەردٸ تەرەڭ ٶڭدەۋ مەسەلەسٸن باستى مٸندەت رەتٸندە ايقىندادى.
اۋىل شارۋاشىلىعى – وبلىس ەكونوميكاسىنىڭ جەتەكشٸ سالالارىنىڭ بٸرٸ. بيىل سالانى مەملەكەتتٸك قولداۋعا 37 ملرد. تەڭگە بٶلٸنٸپ, بۇل كٶرسەتكٸش ٶتكەن جىلمەن سالىستىرعاندا بٸر جارىم ەسە ارتتى. جىلدىڭ 9 ايىندا اۋىل شارۋاشىلىعىندا 178 ملرد. تەڭگەنٸڭ ٶنٸمٸ ٶندٸرٸلدٸ. «كەڭ دالا-2» نەسيە بەرۋ جوباسىنىڭ ارقاسىندا ماشينا-تراكتور پاركٸ جاڭارتىلۋدا. سالاعا تارتىلعان ينۆەستيتسييا كٶلەمٸ 25 ملرد. تەڭگەگە, ٶسٸم 37 پايىزعا جەتتٸ.
بٷگٸنگٸ جەتٸستٸكتەرٸمٸزدٸڭ تٷپ-تامىرى – اعا بۋىن ٶكٸلدەرٸ مەن ارداگەرلەرٸمٸزدٸڭ قاجىرلى ەڭبەگٸندە. ٶمٸر بويى تۋعان جەردٸڭ ٶركەندەۋٸنە سٷبەلٸ ٷلەس قوسىپ, ادال ەڭبەگٸمەن وبلىستىڭ ەلەۋەتٸن كٶتەرگەن بارشا ەڭبەك ارداگەرلەرٸنە شەكسٸز العىسىمدى بٸلدٸرەمٸن! سٸزدەردٸڭ ٶمٸرلٸك تەجٸريبەلەرٸڭٸز بەن ٶنەگەلٸ جولدارىڭىز – بٷگٸنگٸ جاس بۋىن ٷشٸن باعا جەتپەس مەكتەپ», – دەدٸ مۇرات نەلقوجاۇلى.
مەرەكەدە جىل قورىتىندىسىمەن ٶڭٸردٸڭ اگروٶنەركەسٸپ كەشەنٸ سالاسىندا ٷزدٸك جەتٸستٸكتەرگە جەتكەن ەڭبەك وزاتتارى ماراپاتتالادى.
سونىمەن قاتار سالانى دامىتۋعا ەلەۋلٸ ٷلەس قوسقان ازاماتتار اۋىل شارۋاشىلىعى مينيسترلٸگٸنٸڭ «ەڭبەك ارداگەرٸ» جەنە «اۋىل شارۋاشىلىعى سالاسىنىڭ ٷزدٸگٸ» تٶسبەلگٸلەرٸن يەلەندٸ. اۋىل شارۋاشىلىعى مينيسترٸنٸڭ قۇرمەت گراموتاسى تابىستالىپ, وزات ەڭبەككەرلەرگە توعىز اۆتوكٶلٸك بەرٸلدٸ.
«ٷزدٸك اۋدان» نوميناتسيياسىنا قارماقشى اۋدانى, «وزات اۋدان» نوميناتسيياسىنا ەگٸن شارۋاشىلىعى بويىنشا جالاعاش اۋدانى, مال شارۋاشىلىعى بويىنشا جاڭاقورعان اۋدانى لايىق دەپ تانىلدى.
بيىل ٶڭٸردەگٸ اۋىل شارۋاشىلىعى داقىلدارىنىڭ ەگٸس كٶلەمٸ 7 100 گەكتارعا ارتىپ, 193 700 گەكتارعا جەتكەن. سوڭعى جىلدارى سۋ تاپشىلىعىنا بايلانىستى ەگٸستٸ ەرتاراپتاندىرۋدىڭ ماڭىزى ارتۋدا. سۋدى كٶپ قاجەت ەتەتٸن كٷرٸش ەگٸسٸ 10 900 گەكتارعا وڭتايلاندىرىلىپ, ورنىنا تٸرشٸلٸك نەرٸن از تۇتىناتىن, رەنتابەلدٸلٸگٸ, ەكسپورتتىق ەلەۋەتٸ جوعارى داقىلدار ەگٸسٸ 20 مىڭ گەكتارعا جۋىق ۇلعايتىلدى. دەن جٷگەرٸ داقىلىنىڭ كٶلەمٸ 5 ەسە ارتتى.
مەملەكەت باسشىسىنىڭ تاپسىرماسىنا سەيكەس, سۋ رەسۋرستارىن تيٸمدٸ پايدالانۋ جەنە سۋ ٷنەمدەۋ تەحنولوگييالارىن كەڭٸنەن ەنگٸزۋدە جٷيەلٸ جۇمىس جٷرگٸزٸلٸپ كەلەدٸ. ٶتكەن جىلى سۋ ٷنەمدەۋ تەحنولوگييالارىن پايدالانۋ ارقىلى 8 100 گەكتار جەرگە ەگٸن ەگٸلسە, بيىل بۇل كٶرسەتكٸش 14 200 گەكتارعا جەتكٸزٸلدٸ.
وسى جىلعا 30 ملرد تەڭگەنٸڭ 8 ينۆەستيتسييالىق جوباسى جوسپارلانعان. بٷگٸندە 3 جوبا جٷزەگە اسىرىلسا, قالعان 5 جوبانى جىل سوڭىنا دەيٸن اياقتاۋ كٶزدەلٸپ وتىر.
ٶڭٸردە شەتەلدٸك ينۆەستورلاردىڭ قاتىسۋىمەن ٸرٸ ينۆەستيتسييالىق جوبالار قولعا الىندى. رەسپۋبليكا كٷنٸ قارساڭىندا جىلىجاي كەشەنٸنٸڭ قۇرىلىسى باستالدى. بۇل ٶڭٸردٸڭ اۋىل شارۋاشىلىعى سالاسىنا ينۆەستيتسييا تارتۋعا, ٶندٸرٸس كٶلەمٸن ارتتىرۋعا مٷمكٸندٸك بەرەدٸ.
