جەڭٸل تابىسقا قىزىعۋ قانداي قۇقىقتىق سالدارعا ەكەلۋٸ مٷمكٸن? ٸ. جانسٷگٸروۆ اتىنداعى جەتٸسۋ ۋنيۆەرسيتەتٸنٸڭ ستۋدەنتتەرٸ وسى ساۋالعا «شەكارا» اتتى تەاترلاندىرىلعان ٷلگٸلٸك سوت پروتسەسٸ ارقىلى جاۋاپ بەردٸ. قۇقىقتىق قويىلىم ەسٸرتكٸ قىلمىسىنىڭ زارداپتارىن كٶرسەتٸپ, جاستارعا زاڭ الدىنداعى جاۋاپكەرشٸلٸكتٸ ناقتى سوت پروتسەسٸنٸڭ ٷلگٸسٸندە تٷسٸندٸرۋدٸ كٶزدەدٸ, دەپ حابارلايدى dalanews.kz.
قۇقىق جەنە ەكونوميكا فاكۋلتەتٸنٸڭ ستۋدەنتتەرٸ ساحنالاعان قويىلىمدا ەسٸرتكٸنٸ بەلگٸلەنگەن ورىندارعا جاسىرىن جەتكٸزۋ قىلمىسى نەگٸزگە الىندى. سوت پروتسەسٸ ارقىلى قىلمىستىق ەرەكەتتەرگە تارتىلۋدىڭ سالدارى, زاڭ تالاپتارىن بۇزعانى ٷشٸن جاۋاپكەرشٸلٸك جەنە ەدٸل سوت تٶرەلٸگٸنٸڭ ماڭىزى اشىپ كٶرسەتٸلدٸ.
بولاشاق زاڭگەرلەر سۋديا, پروكۋرور, قورعاۋشى جەنە ٶزگە دە پروتسەسكە قاتىسۋشىلاردىڭ رٶلدەرٸن سومداپ, تەورييالىق بٸلٸمدەرٸن تەجٸريبەمەن ۇشتاستىردى. قويىلىمدا زاڭ الدىنداعى تەڭدٸك پەن كٸنەسٸزدٸك پرەزۋمپتسيياسى سيياقتى نەگٸزگٸ قۇقىقتىق قاعيداتتارعا باسىمدىق بەرٸلدٸ.
ٸس-شاراعا تالدىقورعان قالاسىنىڭ جالپى بٸلٸم بەرەتٸن مەكتەپتەرٸنەن 400 وقۋشى جەنە ۋنيۆەرسيتەتتٸڭ 1-كۋرسىندا وقىپ جاتقان 300 ستۋدەنت قاتىسىپ, جالپى 700 جاستى قامتىدى. سونىمەن قاتار, جەتٸسۋ وبلىسىنىڭ قۇقىق قورعاۋ ورگاندارىنىڭ ٶكٸلدەرٸ مەن فاكۋلتەتتٸڭ جۇمىس بەرۋشٸ سەرٸكتەستەرٸ تاماشالادى.
تەاترلانعان قويىلىمدى ساحنالاۋعا جەتٸسۋ وبلىسى پروكۋراتۋراسى, «جاڭارۋ» سىبايلاس جەمقورلىققا قارسى جالپىۇلتتىق قوزعالىس» رەسپۋبليكالىق قوعامدىق بٸرلەستٸگٸ قولداۋ كٶرسەتتٸ. شارا سوڭىندا جاستار اراسىندا قۇقىقتىق ساۋاتتىلىقتى ارتتىرۋ تاقىرىبىندا ٶتكەن وبلىستىق ەسسە بايقاۋىنىڭ قورىتىندىسى شىعارىلىپ, جەڭٸمپازدار ماراپاتتالدى. ولاردى جەتٸسۋ وبلىسى پروكۋرورىنىڭ ورىنباسارى بٸرلٸك ٸزباساروۆ جەنە ۋنيۆەرسيتەت رەكتورى ەرمەك بٶرٸباەۆ قۇتتىقتاپ, گراموتا مەن باعالى سىيلىق تابىستادى.
