Qazaqstanda Ismatýlla Maksumnyń dini qaýymdastyǵynda kámeletke tolmaǵandarǵa jynystyq zorlyq kórsetilgen bolýy múmkin degen aqparat taraǵannan keiin sotqa deiingi tergeý bastaldy. Bul týraly Ishki ister ministrligi habarlady, dep habarlaidy dalanews.kz.
Tergeýge zikrister qaýymdastyǵynyń burynǵy músheleri bergen suhbattar negiz bolǵan. Atap aitqanda, Aqylbek Jumabekov jýrnalist Janar Baisemizge bergen suhbatynda jasóspirimderge qatysty bolýy múmkin jynystyq sipattaǵy áreketter týraly aitqan.
Qaýymdastyqtyń burynǵy shákirtteriniń sózinshe, dini tálimger balalardy qorqytyp, bolǵan jaitty bireýge aitsa, túrmege qamalatynyn eskertken.
IIM ne deidi?
Ishki ister ministrligi jariialanymdarda aitylǵan málimetter boiynsha sotqa deiingi tergeý bastalǵanyn rastady. Qazir vedomstvo ondaǵy derekterdi tekserip jatyr.
Qylmystyq istiń qai bap boiynsha tergelip jatqany jáne ózge de mán-jailar ázirge jariialanǵan joq.
