Qazaqstanda 29 qarashaǵa belgilengen máslihat depýtattarynyń kezekten tys sailaýyna qatysatyn ár kandidattyń úgit jumystaryna respýblikalyq biýdjetten 700 myń teńgege deiin qarajat qarastyrylady. Bul norma Ortalyq sailaý komissiiasynyń 26 qazanda qabyldaǵan qaýlysynda kórsetilgen, dep habarlaidy dalanews.kz.
Qujatqa sáikes, qarjynyń basym bóligi kandidattyń sailaýaldy baǵdarlamasyn aqparat quraldary arqyly tanystyrýǵa jumsalady. Teledidar men radioda sóz sóileýge, sondai-aq merzimdi basylymdarda nemese internet-basylymdarda eki maqala jariialaýǵa 410 myń teńge bólinedi.
Budan bólek, sailaýshylarmen jariia kezdesýler ótkizýge jáne úgit materialdaryn shyǵarýǵa 180 myń teńge qarastyrylǵan. Kandidattyń sailaýaldy naýqan kezindegi kólik shyǵyndaryn óteýge taǵy 110 myń teńge beriledi.
Osylaisha, bir úmitkerdiń sailaýaldy shyǵyndaryna biýdjet esebinen jalpy 700 myń teńgege deiin qarjy jumsalady. Qaýly Astana men respýblikalyq mańyzy bar qalalardaǵy, sondai-aq oblystardaǵy máslihat depýtattyǵyna kandidattarǵa qoldanylady.
