Astanada patrýldik politsiia qyzmetkerleri jol qozǵalysyna qaýip tóndirgen júrgizýshini anyqtady, dep habarlaidy dalanews.kz.
Oqiǵa túngi saǵat 00:00 shamasynda bolǵan. Patrýldik politsiia qyzmetkerleriniń nazaryna Vaz Lada kóliginiń júrgizýshisi ilikken. Ol kólikpen qaýipti manevrler jasap, joldyń júris bóliginde drift jasaǵan.
Mundai áreketter jol qozǵalysynyń basqa qatysýshylaryna qaýip tóndirip, jol apatyna ákep soǵýy múmkin.
Politsiia qyzmetkerleri júrgizýshini toqtatyp, oǵan qatysty tiisti sharalar qabyldady. Kólik kommýnaldyq turaqqa qoiyldy.
"Bul derek boiynsha 22 jastaǵy júrgizýshige zań aiasynda shara qoldanylyp, is materialdary sotqa joldandy. Sot sheshimimen quqyqbuzýshy 10 táýlik merzimge ákimshilik qamaýǵa alyndy", - dedi politsiia.
