Qyzylordada kámeletke tolmaǵan balanyń ólimine bailanysty eki qylmystyq is tirkeldi. Onyń biri – abaisyzda adam ólimine ákep soqqan densaýlyqqa qasaqana aýyr ziian keltirý, ekinshisi – balany tárbieleý jónindegi mindetterdi oryndamaý deregi boiynsha qozǵalǵan, dep habarlaidy dalanews.kz.
Qyzylorda oblystyq politsiia departamentiniń baspasóz qyzmetiniń málimetinshe, jasóspirimniń ólimine qatysty tergeý bastalǵan.
«Kámeletke tolmaǵan balanyń ólimine ákep soqqan densaýlyqqa qasaqana aýyr ziian keltirý deregi boiynsha qylmystyq is qozǵaldy. Sonymen qatar tergeý aiasynda kámeletke tolmaǵan balany tárbieleý jónindegi mindetterdi oryndamaý deregi boiynsha da qylmystyq is tirkeldi», – dep habarlady politsiia departamenti.
Vedomstvonyń málimetinshe, kúdikti oblystyq kámeletke tolmaǵandardy ýaqytsha beiimdeý ortalyǵyna ornalastyrylǵan.
Qazirgi ýaqytta qylmystyq istiń tergelý barysy politsiia departamenti basshylyǵynyń erekshe baqylaýynda. Politsiia tergeý múddesine bailanysty Qazaqstan Respýblikasy Qylmystyq-protsestik kodeksiniń 201-babyna sáikes ózge aqparat jariialanbaitynyn málimdedi.
