قازاقستاندا ايىنا 1,1 ملن تەڭگەدەن استام تابىس تاباتىن قىزمەتكەرلەردٸڭ ٷلەسٸ 5%-عا دا جەتپەيدٸ. بۇل تۋرالى ۇلتتىق ستاتيستيكا بيۋروسىنىڭ زەرتتەۋٸندە ايتىلعان, دەپ حابارلايدى dalanews.kz.
ەلدەگٸ ورتاشا جالاقى 486 مىڭ تەڭگەنٸ قۇرايدى. زەرتتەۋگە ەنگەن 3,4 ملن قىزمەتكەردٸڭ 154 مىڭى نەمەسە 4,6%-ى ايىنا 1,1 ملن تەڭگەدەن استام جالاقى الادى. ولاردىڭ 74 مىڭعا جۋىعىنىڭ ايلىق تابىسى 1,5 ملن تەڭگەدەن اسادى.
قازاقستاندىقتاردىڭ باسىم بٶلٸگٸ ايىنا 300 مىڭنان 500 مىڭ تەڭگەگە دەيٸن جالاقى الادى. بۇل ساناتقا 1,1 ملن قىزمەتكەر كٸرەدٸ. سونىمەن قاتار جۇمىسشىلاردىڭ 42%-ىنىڭ ايلىق تابىسى 300 مىڭ تەڭگەدەن تٶمەن.
ەڭ جوعارى ورتاشا جالاقى شەتەلدٸك كومپانييالاردا تٸركەلگەن. ونداعى قىزمەتكەرلەر ايىنا ورتا ەسەپپەن 707 مىڭ تەڭگە الادى. ال مەملەكەتتٸك قۇرىلىمدارداعى ورتاشا جالاقى شامامەن 336 مىڭ تەڭگەنٸ قۇرايدى.
