باتىس قازاقستان وبلىسىندا كەسٸپورىنداردىڭ بٸرٸنەن سالىق زاڭناماسىن بۇزۋ دەرەگٸ انىقتالدى. پروكۋراتۋرانىڭ ارالاسۋىنان كەيٸن مەملەكەت قازىناسىنا 77 ميلليون تەڭگە قايتارىلدى, دەپ حابارلايدى dalanews.kz.
زاڭبۇزۋشىلىقتى تاسقالا اۋداندىق پروكۋراتۋراسى انىقتاعان. تەكسەرۋ بارىسىندا ەلەكتروندى شوت-فاكتۋرالارداعى مەلٸمەتتەر كەسٸپورىننىڭ سالىق ەسەپتٸلٸگٸمەن سالىستىرىلعان.
نەتيجەسٸندە جاۋاپكەرشٸلٸگٸ شەكتەۋلٸ سەرٸكتەستٸكتەردٸڭ بٸرٸ قوسىلعان قۇن سالىعىنىڭ (ققس) سوماسىن تٶمەندەتٸپ كٶرسەتكەنٸ بەلگٸلٸ بولدى.
سونىمەن قاتار ۋەكٸلەتتٸ ورگان كامەرالدىق باقىلاۋ كەزٸندە انىقتالعان زاڭبۇزۋشىلىقتاردى جويۋ تۋرالى كەسٸپورىنعا تيٸستٸ حابارلامانى ۋاقىتىلى جولداماعان.
وسىعان بايلانىستى پروكۋراتۋرا قاداعالاۋ اكتٸسٸن ەنگٸزٸپ, انىقتالعان كەمشٸلٸكتەردٸ جويۋدى تالاپ ەتتٸ.
قابىلدانعان شارالاردىڭ نەتيجەسٸندە زاڭبۇزۋشىلىقتار تٷزەتٸلٸپ, مەملەكەتتٸك بيۋدجەتكە 77 ميلليون تەڭگە كٶلەمٸندەگٸ مٸندەتتٸ سالىق تٶلەمدەرٸ ٶندٸرٸلدٸ.
