Qazaqstan prezidenti Qasym-Jomart Toqaev eń tómengi jalaqy mólsherin 85 myń teńgeden 100 myń teńgege deiin arttyrýdy tapsyrdy. Bul týraly memleket basshysy Joldaýda málimdedi, dep habarlaidy dalanews.kz.
Prezidenttiń aitýynsha, eń tómengi jalaqyny kezeń-kezeńimen kóterý jumysy jalǵasady. Osyǵan bailanysty Úkimetke tiisti sharalar qabyldaý mindeti júkteldi.
«Eń tómengi jalaqy mólsherin kezeń-kezeńimen kóbeite beremiz. Úkimetke eń tómengi jalaqyny 85 myń teńgeden 100 myń teńgege deiin kóterýdi tapsyramyn», – dedi Qasym-Jomart Toqaev.
Sonymen qatar memleket basshysy alǵashqy meditsinalyq-sanitariialyq kómek júiesin jańǵyrtý qajettigin atap ótti. Onyń sózinshe, jalpy praktika dárigerleriniń ókilettigin keńeitip, osy salany qarjylandyrý kólemin birtindep arttyrý mańyzdy.
Prezident Úkimetke keler jyldyń 1 qańtarynan bastap ýchaskelik qyzmet mamandarynyń jalaqysyn eńbek ótiline qarai 40 paiyzǵa deiin kóterýdi tapsyrdy. Bul ózgeris 77 myńnan astam meditsina qyzmetkeriniń tabysyn arttyrýǵa múmkindik beredi.
Budan bólek, Toqaev áleýmettik infraqurylymǵa jeke investitsiia tartýdyń mańyzyn atap ótip, memleket pen jekemenshik seriktestigi jobalaryn tiimdi iske asyrýdy tapsyrdy. Onyń aitýynsha, mundai jobalardy júzege asyrý kezinde sheshim qabyldaýdy sozbalańǵa salmai, rásimderdi jedeldetý qajet.
